Akureyrski rapparinn, Atli Sigþórsson, betur þekktur sem Kött Grá Pjé, deildi því á Twitter-síðu sinni að það væri „sérstök nautn“ hans að vakna snemma dag hvern til þess að fá sér kaffi og sígó í myrkrinu.
Bubbi Morthens var fljótur að yfirtrompa upplifun Atla rækilega. „Ég reykti 40 sígó á dag í áratugi með bundið fyrir augun. Tíu jónur. Sá aldrei fokking ljósið. Það var æði,“ sagði Bubbi. Ekki hefur heyrst múkk í Kött Grá Pjé eftir þessa sleggju.