„Kannski er svona gaman í peningabuddunni,“ segir rithöfundurinn Illugi Jökulsson á Facebook. Þar fer hann hörðum orðum um stjórn fiskveiða. Illugi deilir grein kollega síns, Guðmundar Andra Thorssonar, sem skrifaði um málefnið í Fréttablaðið í kjölfar yfirlýsingar Bubba Morthens, sem á Arnarhóli beindi þeim skilaboðum til útgerðarinnar, að þeir skiluðu kvótanum „aftur til þjóðarinnar“.
Illugi segir að aldrei verði sátt um kerfið sem nú er við lýði um stjórn fiskveiða. „Greifarnir og þjónarnir geta svosem hringlað í peningabuddum sínum útí það óendanlega, en það verður engin sátt um þetta. Og þeir verða litnir hornauga þangað úr þessu verður bætt.“