Jón Gnarr, fyrrverandi borgarstjóri, hefur látið af störfumsem framkvæmdastjóri dagskrársviðs hjá 365. Í frétt sem birtist á vef Vísis segir að hann hafi ákveðið að „snúa sér alfarið að sinni sjálfstæðu listsköpun og verkefnum tengdum henni.“
Jón tók við stöðunni í október í fyrra en undir dagskrársvið heyra sjónvarps-, útvarps- og íþróttadeildir 365. Áður var hann ritstjóri innlendrar dagskrár hjá fyrirtækinu.
Jón hefur verið leikari, rithöfundur, grínisti og leikstjóri um margra ára skeið og ætlar hann að snúa sér að því á nýjan leik. Undanfarna mánuði hefur hann unnið við gerð gamanþáttanna Borgarstjórinn sem sýndir verða á Stöð 2 í haust.