Stórskemmtilegt myndband
Bo Johnson og vinur hans Matthew ákváðu á dögunum að sjá hvort þeir gætu keypt sér miða á kvikmyndasýningu klæddir upp sem einn og sami maðurinn. Létu þeir þannig langþráðan draum rætast. Undirbúningurinn var ekki þrautalaus og óhætt er að segja að útkoman sé athyglisverð.
Bo hefur lengi haldið úti ráð á youtube þar sem hann birtir myndbönd af hinum ýmsu uppátækjum og að sjálfsögðu kom ekki annað til greina en festa tilraun þeirra félaga á filmu. Líkt og sjá má á myndbandinu hér fyrir neðan krækir Matthew sig utan um Bo sem síðan klæðist gríðarstórri skyrtu og bol sem rúmar þá báða. Lítur hann þar af leiðandi út fyrir að vera einstaklega breiður um sig.
Þó ótrúlegt megi virðast þá heppnaðist tilraun þeirra félaga og komust þeir inn í kvikmyndahúsið með aðeins einn miða í stað tveggja. Víst er að þeir voru nokkuð lukkulegir með að hafa náð að uppfylla þennan gamla draum en myndbandið hefur þegar fengið rúmlega 1,5 milljónir áhorfa á youtube.
[youtube https://www.youtube.com/watch?v=zZaSnGwD2qM&w=600&h=390]