„Það koma dagar, eða meira svona ár,þar sem ég er að fela mig í fötunum mínum,“ segir einn viðmælandanna í nýju myndbandi sem gefið hefur verið út í tilefni af herferðinni ##Sönnfegurð en herferðin snýst um að stuðla að bættri líkamsmynd stúlkna og kvenna á Íslandi. Kannanir hafa leitt í ljós að tvær af hverjum þremur íslenskum stelpum á aldrinum 18-25 ára segja að áhyggjur af líkamsvexti og útliti hafi mikil áhrif á sjálfstraust þeirra.

Fram kemur á heimasíðu verkefnisin að stór hluti kvenna sé unga aldri ósáttur við líkamsvöxt sinn og er sú staðreynd rakin að miklu leyti til útlitsþrýstings sem ríkir í samfélaginu. „Á undanförnum áratugum hefur fegurðarímynd kvenna orðið sífellt óraunhæfari og með tilkomu nútíma myndvinnslutækni hafa verið búin til útlitsviðmið sem í raun engar konur geta uppfyllt.“

Dove stóð á síðasta ári fyrir námskeiði í menntaskólum sem bar heitið The Body Project en á meðfylgjandi myndbandi má sjá samræður á milli nokkurra stúlkna sem sóttu námskeiðið þar sem þær ræða meðal annars útlitsáhyggjur og kröfur samfélagsins. Það var framleiðslufyrirtækið sem kom að gerð myndbandsins.

Sem dæmi um ummæli sem falla má nefna:

„Í grunnskóla var ég mjög mikið að fela mig bak við málingu og föt sem ég vildi ekki klæðast.

„Það er þessi endalausta togstreita á milli þess að mála sig en samt ekki of mikið.“

„Ég er farin að gráta yfir svona kjaftæði, ég er svo reið“

„Hvenær getum við fengið að vera við sjálfar?“

Þá kemur einnig til umræðu hversu mikil hugarfarsbreyting sé að eiga sér stað í samfélaginu. „Við lifum á svo byltingarkenndum tímum. Það er allt að gerast. Það er tími til kominn að setja hnefann í borðið og segja stopp,“ segir ein stúlknanna en myndbandið má sjá hér fyrir neðan.

[youtube https://www.youtube.com/watch?v=Hm_DEdqmJJI&w=600&h=390]