Rihanna með risatattú undir brjóstunum

Söngkonan Rihanna ákvað að fara áhugaverða leið til að minnast ömmu sinnar sem lést í sumar, en hún birti í vikunni mynd á Twitter-síðu sinni af risastóru húðflúri undir brjóstunum. Húðflúrið er af gyðjunni Ísis og segist Rihanna hafa fengið sér það til að heiðra minningu ömmu sinnar. Undir myndina skrifaði hún: „Gyðjan Ísis – hin fullkomna kona – fyrirmynd komandi kynslóða.“