„Er þetta nógu stórt fyrir þig?“

Halli í Botnleðju með bónorð á sviði
Ritstjórn DV ritstjorn@dv.is
18:51 › 7. ágúst 2012

Haraldur Freyr Gíslason, trommuleikari hljómsveitarinnar Botnleðju, bað kærustu sína Sigríði Eir Guðmundsdóttur um að giftast sér á Þjóðhátíð nú um verslunarmannahelgina. „Er þetta nógu stórt fyrir þig?“ sagði Halli þegar hann kallað kærustu sína fram á sviðið eftir að hafa lokið flutningi á laginu Viltu vera memm á stóra sviðinu í Herjólfsdal þar sem Botnleðja lék.

„Hún sagði alltaf að þetta þyrfti að vera svo stórt þegar ég myndi gera þetta,“ sagði Halli þegar hann lét Þjóðhátíðargesti klappa sambýliskonu sína upp á svið en hann sagði Þjóðhátíð vera kjörinn vettvang því hún sé nú stærsta útihátíðin á landinu.

„Sigríður Eir Guðmundsdóttir! Viltu giftast mér,“ spurði Halli og svaraði Sigríður: „Já!“

Við það brutust út mikil fagnaðarlæti og kallaði Halli yfir hópinn: „Hún sagði já!“


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.