Emma Watson mætt til Íslands

Leikkonan Emma Watson er komin hingað til lands til þess að leika í kvikmyndinni Noah. Á Twitter-síðu sinni hefur hún sent skilaboð til aðdáenda sinna þess efnis að hún sé hér á landi.

„Ég er á ÍSLANDI !! Bú ja!!!!“ Skrifaði hún þar upp úr miðnætti í gær.

Emma er fyrst og fremst þekkt fyrir að hafa leikið Hermione Granger í kvikmyndunum um Harry Potter, en hún fer með hlutverk Ila í Noah.

Russell Crowe og Jennifer Connelly fara sem kunnugt er einnig með hlutverk í myndinni og eru þau hér á landi um þessar mundir.