Britney vekur athygli í bikiní

Bandaríska söngkonan Britney Spears hefur verið dugleg í ræktinni ef marka má fjölmiðla vestanhafs. Þessi tveggja barna móðir birti mynd af sér og börnunum sínum á samfélagsvefnum Twitter þar sem þau eru á leiðinni í sundlaug á Hawaii.

Bandaríska fréttasíðan The Huffington Post veltir fyrir sér hver hafi tekið myndina og kemur þar fram að líklegast sé það unnusti Britney, Jason Trawick, sem fékk Britney og börn til að brosa svona fallega.