Komin með samning hjá bandarísku plötufyrirtæki

Tónlistarkonan Elíza Newman hefur skrifað undir höfundaréttarsamning við bandaríska plötufyrirtækið Wixen Music.

Fyrirtækið var stofnað fyrir um 30 árum síðan og á meðal tónlistarmanna sem unnið hafa með útgáfunni eru Neil Young, The Black Keys, Audioslave, Rage against the Machine, Weezer og Tom Petty.

Munu Wixen einbeita sér að því að koma tónlist Elízu á framfæri í ýmsum miðlum og má þar nefna að lagið I Wonder mun hljóma í ástralska sjónvarpsþættinum Winners and Losers bráðlega. Þátturinn er sýndur víða um heim.

Elíza er um þessar mundir að klára upptökur af þriðju plötu sinni sem mun koma út á Íslandi í haust.