Jennifer Connelly á Laugaveginum

Leikkonan Jennifer Connelly og eiginmaður hennar, Da Vinci Code leikarinn, Paul Bettany eru ásamt börnum þeirra að spóka sig hér á landi og sást til þeirra í göngutúr á Laugaveginum núna fyrir stuttu. Connelly kom til Íslands á fimmtudaginn í síðustu viku, en virðist hafa tekist að fara huldu höfði í Reykjavík.

Connelly er hér á landi við tökur á myndinni Noah en í henni leika einnig leikararnir Russell Crowe auk Anthony Hopkins og Emmu Watson. Russell Crowe hefur ekki látið fara eins lítið fyrir sér og Connelly, en hann hefur sést á hjóli um Reykjavík, við æfingar í Mjölni auk þess sem hann hefur verið tíður gestur veitingastaða Reykjavíkur.