Gillz viðrar bringuna á Benidorm

Sölvi Tryggvason er ekki sá eini sem spókar sig fáklæddur þessa dagana. Egill „Gillzenegger“ Einarsson hefur nú fetað í fótspor Sölva utan landssteinanna, en hann hefur sést bruna um á Segway-hjóli á Benidorm ásamt útvarpsmanninum Auðunni Blöndal.

Egill er umdeildur hér á landi vegna karlrembuhúmors og ruddalegra skrifa um femínista. Þá er ólíklegt að hann nái fyrri vinsældum í sjónvarpi eftir að hann var sakaður um nauðgun. Önnur af tveimur kærum á hendur honum var felld niður í júní þar sem málið þótti ekki líklegt til sakfellis. Enn er ekki komin niðurstaða í hitt málið.