Skammast sín fyrir pabba

Adam Sandler segir dætur sínar skammast sín fyrir hann. Leikarinn á tvær stelpur, Sadie Madison, sex ára, og Sunny Madeline, þriggja ára.

„Þær þola ekki hvernig ég klæði mig. Ég geng mikið í stuttbuxum en þær skipa mér að fara í síðbuxur áður en ég skutla þeim í leikskólann. Ég man að ég skammaðist mín fyrir pabba minn. Hann var í sömu buxunum í viku í senn.

Ef vinir mínir komu í heimsókn var hann alltaf í sömu brúnu buxunum. Ég skil þetta núna. Ég er bara að verða eldri og er orðið meira sama.“