Afturendinn á fyrirsætunni og athafnakonunni Coco er jafnvel frægari en hún sjálf. Lengi hefur verið deilumál hvort rassinn sé alvöru eða hvort Coco hafi fengið sér sílikon-fyllingar í rasskinnarnar.

Coco ákvað að sanna sitt mál í eitt skipti fyrir öll og mætti í spjallþáttinn vinsæla The Doctors í gær. Þar athugaði lýtalæknirinn og spjallþáttastjórnandinn Andrew Ordon hvort einhver efni væru í afturenda Coco með því að nota sónar.

Svo kom á daginn að rassinn á Coco er alvöru. „Eruði tilbúin?“ spurði hann áhorfendur í sal áður en hann sagði: „Rasskinnar Coco eru 100 prósent alvöru.“

Coco vinnur mikið í því að halda bossanum stórum og stinnum og til þess notar hún ýmsar aðferðir. Meðal annars tekur hún hnébeygjur á mjög háum hælum.

Það var bara síðast í gær að hún upplýsti annað leyndarmál um hvernig hún heldur afturendanum í lagi á Twitter-síðu sinni:

„Farið í hundastellinguna á gólfinu. Setjið á ykkur fimm punda ökklalóð, lyftið fætinum út eins langt og þið getið og haldið þeirri stöðu. Skiptið svo um löpp.“