Hjónakornin og aðalsfólkið Vilhjálmur og Katrín eignuðust nýjan hvolp af tegundinni Cocker spaniel á dögunum. Hvolpurinn er þriggja mánaða og hafa aðdáendur bresku konungsfjölskyldunnar beðið í ofvæni eftir því að heyra hvaða nafn hvolpurinn fengi. En hjónin hafa engan hug á því að upplýsa um nafn nýjasta fjölskyldumeðlimsins og benda fólki vinsamlegast á að hvolpurinn sé þeirra einkaeign og ekki standi til að gera hann að eftirlæti fjölmiðla.

Gæludýr ríka og fræga fólksins verða oft álíka fræg og eigendur þeirra. Hundar Bandaríkjaforseta verða til dæmis oft heimsfrægir og má nefna að hundur Bush hjónanna, George W. og Lauru fékk oft að leika stór hlutverk í lífi forsetans í fjölmiðlum. Hundurinn, Barney fékk meira að segja heilan sjónvarpsþátt um sjálfan sig sem settur var á netið.

Hér má sjá nánar um hvolp Katrínar og Vilhjálms