Leikkonan Eva Mendes segir það hafa verið draumi líkast að vinna með kærastanum Ryan Gosling við myndina The Place Beyond the Pines.

Leikkonan, sem er 37 ára, er í löngu viðtali í nýjasta tölublaði tímaritsins Marie Claire þar sem hún dásamar Gosling, 31 árs, sem leikara.

„Hann er draumamótleikari. Ég hef aldrei verið jafn fullnægð á listrænan hátt. Hann er yndislegur,“ sagði Eva en þvertók fyrir að ræða um samband þeirra á persónulegum nótum. „Hættu, hættu,“ sagði hún hlæjandi við blaðamann Marie Claire.

„Ég mun ekki kjafta frá neinu. Mér finnst óþægilegt að ræða þessi mál. Þau eru of persónuleg,“ sagði leikkonan sem vildi ekki heldur tjá sig um það hvort hún ætlaði sér að gifta sig og eignast börn í framtíðinni.

„Þetta eru svo leiðinleg umræðuefni. Ég er ekki manneskja sem ræðir þessi mál. Ég tala ekki um það sem gæti gerst í framtíðinni. Ég óttast að ef ég geri það þá verði það ekki að veruleika.“