Beyone er mætt aftur út á lífið aðeins mánuði eftir að hún eignaðist sitt fyrsta barn, dótturina Blue Ivy. Aðdáendur poppdívunnar hafa beðið spenntir eftir að bera hana augum sem móður og hefur nú aldeilis orðið að ósk sinni. Beyonce er glæsileg að sjá eftir barnsburðinn og ekki á henni að sjá að hún hafi nýlega fætt barn inn í þennan heim.

Söngkonan sást fyrst á tónleikum hjá eiginmanni sínum, Jay- Z í Carnegie Hall í New York. Þar var hún í fallegum rauðum kjól sem og með slétt slegið hár. Kvöldið eftir var hún aftur mætt út á lífið, þá í pallíettukjól og með krullur og geislaði af fegurð og þokka.