Sjúkraflutningamenn fluttu í dag átján ára dóttur Whitney Houston, Bobbi Kristina Brown, á sjúkrahús. Ekki liggur ljóst fyrir af hverju flytja þurfti hana í skyndi á sjúkrahús en lögreglan í Los Angeles hefur staðfest við bandarísku sjónvarpsstöðina KCBS að Bobbi Kristina hafi verið flutt á sama sjúkrahús og móðir hennar, Houston, var flutt á síðastliðna nótt.

Aðeins er einn dagur liðin frá því að tilkynnt var um að móðir hennar hafi fundist látin á hótelherbergi sínu og er ljóst að Bobbi Kristina hafi verið undir miklu andlegu álagi í allan dag. Bobbi Kristina var stödd á sama hóteli og móðir sín en það var líklega í tengslum við Grammy verðlaunaafhendinguna sem fram fer í kvöld. Bobbi Kristina er dóttir Houston og fyrrverandi eiginmanns hennar Bobby Brown.