„Ég hélt við værum að fara að njóta ásta þegar hann bað mín uppi í rúmi,“ segir hin eina sanna Vala Grand í samtali við vefinn Flass.is en hún tilkynnti það á Facebook-síðu sinni nú fyrir stundu að kærasti hennar, Eyjólfur Svanur Kristinsson, hefði beðið hennar.

„Ég er trúlofuð. It finally happened“ skrifar Vala á Facebook áður en hamingjuóskunum tók að rigna inn og Vala var djúpt snortin.
„Thank u all er svo happy að einhver vill giftast mér aghh er svaka happy.“

Í samtali við Flass.is segir Vala að hún og Eyjólfur hafi legið upp í rúmi þegar hann bar upp spurninguna. Þar segir enn fremur að hann hafi fært henni 14 karata gullhring.

Vala og Eyjólfur opinberuðu samband sitt á Facebook í október.