Leikkonan Octavia Spencer er orðin ein af skærustu stjörnunum Hollywood. Leikkonan, sem vakti verðskuldaða athygli í kvikmyndinni The Help, segist gera sér grein fyrir að hún sé allt of þung.

„Það er óheilbrigt að vera svona þung,“ sagði leikkonan, sem er 39 ára, baksviðs á verðlaunaathöfninni Screen Actors Guild Awards þar sem hún fékk verðlaun sem besta leikkona í aukahlutverki. „Ef það hefur safnast of mikið af fitu um mittið þá áttu við vandamál að stríða og ef þú verður of þung verðurðu minna metin fyrir vikið,“ sagði leikkonan sem vann til sömu verðlauna á Golden Globe hátíðinni.

Samkvæmt Octaviu mætti Hollywood vera opnara fyrir leikkonum af mismunandi stærðum og gerðum. „Það er jafn erfitt fyrir of grannar leikkonur að komast langt í bransanum og þær feitu. Þetta verður að breytast. Hins vegar, vil ég benda þeim grönnu á að þær yrðu mun ánægðari ef þær myndu borða meira. Ég verð allavega miklu úrillari þegar ég er svöng.“