Vöðvafjallið og sjónvarpsmaðurinn Egill Einarsson hefur dvalið á Benidorm undanfarna daga í góðu yfirlæti. Þar hafa staðið yfir tökur á nýrri sjónvarpsþáttaröð, Lífsleikni Gillz, þar sem hann kennir Íslendingum hvernig þeir geta orðið sannkallaðir heimsborgarar.

Óhætt er að segja að Egill hafi notið dvalarinnar til hins ýtrasta ef marka má uppfærslu hans á Twitter á mánudag. „Af hverju á maður ekki bara heima á Benidorm! Spá í að pakka niður dótinu mínu og flytja þangað,“ segir Egill.