fbpx
Miðvikudagur 20.febrúar 2019
Fókus

NBA-„stjarna“ kenndi íslenskum börnum

Kristinn H. Guðnason
Sunnudaginn 20. janúar 2019 14:00

Anthony Bowie Körfuboltamyndir voru geysivinsælar.

Ekki missa af Helstu tíðindum dagsins í pósthólfið þitt

Lesa nánar

Árið 1994 var NBA-fárið í hæstu hæðum á Íslandi. Krakkar og unglingar skiptust á körfuboltamyndum, vöktu fram á nætur til að fylgjast með Valtý Birni og Einari Bollasyni og fóru í bíó til að sjá skelfilegar bíómyndir á borð við Blue Chips og The Air Up There.

Íslensk börn nötruðu af spenningi þegar tilkynnt var að NBA-stjarna væri á leiðinni til landsins til að kenna þeim listir, frá sjálfu Orlando Magic, sem var eitt heitasta liðið. Skyldi sjálfur Shaq vera að koma eða Penny Hardaway? Nei, það var víst varamaðurinn Anthony Bowie.

Þrátt fyrir að Bowie væri ekki skærasta stjarnan var þó umtalsverð eftirvænting. Bowie kom síðan í byrjun júní og hélt körfuboltabúðir í Austurbergi og Fellaskóla í Breiðholtinu. Pláss var fyrir 88 börn á aldrinum 8 til 18 og kostaði 12.500 krónur. Með Bowie kæmu þrír amerískir þjálfarar úr atvinnumennskunni og háskólaboltanum.

Reyndust búðirnar ákaflega vel heppnaðar. Athygli vakti að Bowie tók með sér Otis Smith, gamlan liðsfélaga úr Orlando Magic og umtalsvert betri leikmann. Einnig kom á daginn að þeir fengu ekkert greitt fyrir námskeiðið heldur virtist það haldið til að breiða út boðskap NBA.

Frægðarsól Bowie, sem var nú ekki skær, seig með hverju árinu eftir þetta og datt hann úr deildinni árið 1998. Þá hafði hann einna helst unnið það sér til frægðar að sýna fortakslausa eigingirni í leik árið 1996 til þess að ná svokallaðri þrefaldri tvennu, þjálfara sínum og liðsfélögum til mikils ama. Bowie endaði ferilinn í Úralfjöllum í Rússlandi árið 2002. Bowie verður aldrei nema neðanmálsgrein í sögu NBA-deildarinnar en á Íslandi var hann sannkölluð stjarna.

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Bára uppljóstrari verður spunameistari – Heldur út í óvissuna

Bára uppljóstrari verður spunameistari – Heldur út í óvissuna
Fókus
Fyrir 2 dögum

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin
Fókus
Fyrir 2 dögum

IceQueen-nafninu stolið af Ásdísi Rán: „Mér finnst þetta virkilega leim“

IceQueen-nafninu stolið af Ásdísi Rán: „Mér finnst þetta virkilega leim“
Fókus
Fyrir 2 dögum

Sjáið myndbandið: Ótrúleg umbreyting á Hirti Jóhanni

Sjáið myndbandið: Ótrúleg umbreyting á Hirti Jóhanni
Fyrir 3 dögum

Foreldrar og barn drukknuðu á sömu slóðum en ekki á sama tíma

Foreldrar og barn drukknuðu á sömu slóðum en ekki á sama tíma
Fyrir 3 dögum

Tímavélin: Vinnumaður í Bárðardal kæfði verðandi barnsmóður sína

Tímavélin: Vinnumaður í Bárðardal kæfði verðandi barnsmóður sína