Fókus

Íslenskir nasistar: Björn Sv. Björnsson dæmdi mann til dauða

Kristinn H. Guðnason
Sunnudaginn 12. ágúst 2018 13:30

Tímavélin: Björn Sv. Björnsson

1909-1998

Björn var liðsmaður Waffen SS og sonur Sveins Björnssonar, fyrsta forseta lýðveldisins. Björn kynntist nasismanum eftir að hann flutti til Hamborgar árið 1930 en þar starfaði hann hjá Eimskipum.

Þegar seinni heimsstyrjöldin hófst starfaði hann sem fréttaritari á austurvígstöðvunum en síðan var hann sendur í áróðursdeild í Kaupmannahöfn þar sem hann starfaði bæði við blaðaútgáfu og útvarp. Í stuttan tíma var honum treyst til að stýra danska ríkisútvarpinu.

Birni var einnig treyst til að sitja í dómarasæti í einstökum málum. Í einu slíku máli árið 1945 dæmdi hann danskan fyrrum SS liða til dauða fyrir liðhlaup og þjófnað. Óvíst er hvort að dómnum var framfylgt þar sem Þjóðverjar gáfust upp degi seinna.

Björn gaf sig fram eftir uppgjöfina og sat í fangelsi í Danmörku til ársins 1946 þegar honum var sleppt vegna þrýstings frá Íslandi. Sveinn var þá orðinn forseti. Eftir það bjó Björn ýmist á Íslandi, Argentínu eða Þýskalandi og vann ýmis störf. Meðal annars seldi hann alfræðiorðabækur og kenndi tónlist.

 

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

„Sumir byrja í pólítík til að komast í feit embætti meðan aðrir vilja bara skrifa fyndnar færslur um Pírata“

„Sumir byrja í pólítík til að komast í feit embætti meðan aðrir vilja bara skrifa fyndnar færslur um Pírata“
Fókus
Í gær

Jólaauglýsing Iceland bönnuð vegna pólitískra skilaboða

Jólaauglýsing Iceland bönnuð vegna pólitískra skilaboða