fbpx
Fókus

Draugur hrelldi unga stúlku í Árnessýslu: „Einhver var að sleikja eina rúðuna“

Kristinn H. Guðnason
Laugardaginn 14. júlí 2018 18:00

Tímavélin: Í desember árið 1937 sendi ung stúlka, Kristrún Guðmundsdóttir frá bænum Laugardal í Árnessýslu, lesendabréf til barna- og unglingablaðsins Hörpunnar. Þar lýsti hún skelfilegri reynslu sinni af draugagangi sem átti sér þó eðlilegar skýringar.

„Það var eina vetrarnótt, að ég vaknaði við, að einhver var að hamast í kringum bæinn, með þvílíkum berserksgangi, að ég hef nú aldrei heyrt annað eins, og varð ég dauðhrædd. Ég byrgði mig niður í koddann minn. Og ekki leið á löngu, þar til ég heyrði einhvern banka í gluggann, og ég sá glóra í þrjár eldrauðar glyrnur.“

Var þetta mikið áfall fyrir Kristrúnu og á þessari stundu var stúlkan unga við það að missa vitið af hræðslu. Hún hélt áfram:

„Skömmu seinna var komið við hurðina, eins og hala væri dinglað við hana, og nú sýndist mér snjóhvít vofa standa hjá dyrunum. Ég byrgði mig enn fastar ofan í koddann minn, og ég heyrði hjartað í mér slá sem sleggju.“

Á þessum tímapunkti byrjar sagan hins vegar að verða undarleg.

„Nú sá ég, að einhver var að sleikja eina rúðuna, og svo var hlaupið um allt tún, og mér heyrðist það vera afar þungt fótatak. Ég vakti lengi eftir þetta. Loks heyrði ég klukkuna slá sex. Ég lá í einu svitabaði.“

Til allrar hamingju fékk Kristrún unga þó skýringar á „draugaganginum“ og hugarró.

„Loks sofnaði ég og vaknaði við það, að vinnumennirnir voru að tala um, að tuddinn hefði losnað út úr fjósinu í nótt. Nú skildi ég allt, og ég vona, að þið gerið það líka.“

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Gerðu þarfir sínar og stunduðu kynlíf fyrir allra augum – Manstu eftir Hallærisplaninu?

Gerðu þarfir sínar og stunduðu kynlíf fyrir allra augum – Manstu eftir Hallærisplaninu?
Fókus
Í gær

Tíu hlutir sem hægt er að kaupa í staðinn fyrir braggann

Tíu hlutir sem hægt er að kaupa í staðinn fyrir braggann
Fókus
Fyrir 2 dögum

Líkið brennt og askan send heim til móðurinnar í pósti

Líkið brennt og askan send heim til móðurinnar í pósti
Fókus
Fyrir 2 dögum

Veist að heimili og persónu Harðar eftir búsáhaldabyltinguna: „Stundum hef ég þurft að flytja mig um set út af þessu“

Veist að heimili og persónu Harðar eftir búsáhaldabyltinguna: „Stundum hef ég þurft að flytja mig um set út af þessu“
Fókus
Fyrir 2 dögum

Ingvar Þór færði ljósmæðrum einstaka gjöf fyrir að koma syni hans heilbrigðum í heiminn

Ingvar Þór færði ljósmæðrum einstaka gjöf fyrir að koma syni hans heilbrigðum í heiminn
Fókus
Fyrir 2 dögum

Svanhildur: „Tel mikilvægt að leyfa öllum tilfinningaskalanum að koma fram þegar maður glímir við alvarlegan sjúkdóm“

Svanhildur: „Tel mikilvægt að leyfa öllum tilfinningaskalanum að koma fram þegar maður glímir við alvarlegan sjúkdóm“
Fókus
Fyrir 3 dögum

Miðaldra móðir elskar Ísland en hatar Opalskot – Slær í gegn á ferð um Ísland – „Þetta er geggjað“

Miðaldra móðir elskar Ísland en hatar Opalskot – Slær í gegn á ferð um Ísland – „Þetta er geggjað“
Fókus
Fyrir 3 dögum

Íþróttin sem er aðeins leyfð einu sinni á ári

Íþróttin sem er aðeins leyfð einu sinni á ári