Vorið 1966 kastaði hryssa bóndans Marmundar Kristjánssonar að Svanavatni í Austur-Landeyjum þrífættu folaldi og vantaði á það hægri framfótinn. Fékk folaldið nafnið Þrífótur og var sent á Álftanes þar sem það dafnaði vel.

Í september árið 1967 var það síðan sent til Rotterdam í Hollandi og svo til Connecticut í Bandaríkjunum. Þar ætlaði maður að nafni Daniel A. Meyers West Cornwall að láta framkvæma rannsóknir á trippinu. Þrífótur var fluttur í sérstökum stuðningskláf um borð í skipinu Reykjafossi og átti ekki að fara illa um hann.

Ekki fréttist meira af Þrífæti en sumir héldu því fram að hann hefði verið sendur í sirkus.