fbpx
Fókus

Skjáreinn var rekinn með stolnu fé úr Landssímanum

Kristinn H. Guðnason
Sunnudaginn 13. maí 2018 11:44

Stöðin Skjáreinn var stofnuð árið 1999 og var í opinni dagskrá allt til ársins 2009 þegar hún varð að áskriftarsjónvarpi og árið 2016 rann hún loks inn í Sjónvarp Símans. Skjáreinn var ein umtalaðasta og vinsælasta stöð landsins í upphafi aldarinnar en maðkur reyndist í mysunni því að hún var rekin fyrir stolið fé úr Landssímanum.

 

Partístöðin

Upprunalegir eigendur voru Hólmgeir Baldursson og Róbert Árni Hreiðarsson (nú Robert Downey) en eftir aðeins nokkra mánuði var hún seld til Eyþórs Arnalds og fyrirtækisins Alvöru lífsins sem stofnað var í kringum sýningu Bjarna Hauks Þórssonar á Hellisbúanum. Forsvarsmenn Alvöru lífsins voru þeir Árni Þór Vigfússon og Kristján „Ra“ Kristjánsson, æskufélagar úr Verzlunarskólanum sem höfðu meðal annars sett upp sýninguna Cats við góðan orðstýr.

Gullöld Skjáseins var á fyrstu árum aldarinnar þegar vinsælir íslenskir þætti á borð við Djúpu laugina, Allt í drasli og Popppunkt voru sýndir. Þá skapaði Erpur Eyvindarson hinn ódauðlega Johnny Naz í þáttunum Íslenskri kjötsúpu sem margir muna eftir. Skjáreinn var partístöð og margir af þeim sem störfuðu þar hafa lýst því að þeir hafi eytt nánast öllum sínum launum á Prikinu, skemmtistað sem var þá einnig í eigu Árna Þórs og Kristjáns Ra.

 

Landssímamálið

En reksturinn stóð ekki undir sér og fljótlega fór Skattrannsóknarstjóra að gruna að ekki væri allt með felldu í bókhaldi fyrirtækisins. Höfðu þá stórar upphæðir runnið inn á reikninga félagsins frá Landssímanum og varð það upphafið að hinu þekkta Landssímamáli.

Aðalféhirðir Landssímans var Sveinbjörn Kristjánsson, bróðir Kristjáns Ra, og játaði hann samstundis að hafa tekið 261 milljón króna út úr fyrirtækinu og lánað Kristjáni og Árna Þór. Sveinbjörn sagðist einn hafa borið ábyrgðina og að þeir hefðu verið grunlausir um að féð væri illa fengið en engu að síður voru þeir allir kærðir, auk tveggja annarra einstaklinga sem taldir voru hafa átt þátt í stuldinum árið 2004.

Við vitnaleiðslur kom í ljós að féð hafði runnið inn í Skjáeinn frá fyrsta degi. Sveinbjörn sagði að ávallt hefði staðið til að endurgreiða féð en þegar hann sá að Kristján og Árni gátu ekki greitt strax varð hann að breyta bókhaldinu. Fjárþörf Skjáseins var hins vegar viðvarandi og áfram flæddi fé frá Landssímanum inn í Skjáeinn. Sveinbjörn passaði sig á því að vera ávallt í vinnu um mánaðamót þegar uppgjör fór fram og notaði kúnstir til að blekkja alla eftirlitsaðila.

Sveinbjörn var dæmdur til fjögurra og hálfs árs fangelsisvistar í héraði og áfrýjaði ekki. Árni Þór og Kristján fengu tveggja ára dóm þar sem þeir hefðu átt að vita að féð var illa fengið. Sú refsing var lækkuð í fimmtán og átján mánuði í Hæstarétti. Einn annar sakborningur var dæmdur til þriggja mánaða fangelsisvistar fyrir peningaþvætti.

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum

DV Tónlist á föstudaginn: EMMSJÉ GAUTI

DV Tónlist á föstudaginn: EMMSJÉ GAUTI
Fókus
Fyrir 21 klukkutímum

Hálendi Íslands eins og þú hefur aldrei séð það áður – Stórbrotið myndband Ólafs Más

Hálendi Íslands eins og þú hefur aldrei séð það áður – Stórbrotið myndband Ólafs Más
Fókus
Í gær

Elín Kára – „Sjoppufærsla ársins“

Elín Kára – „Sjoppufærsla ársins“
Fókus
Í gær

Hera þykir ekki nógu ljót

Hera þykir ekki nógu ljót
Fókus
Í gær

Petrína: „Það skiptir miklu máli fyrir þann veika að finna stuðning“

Petrína: „Það skiptir miklu máli fyrir þann veika að finna stuðning“
Fókus
Í gær

Mál­þing um brjósta­krabba­mein – Doktor Google & Google Maps

Mál­þing um brjósta­krabba­mein – Doktor Google & Google Maps
Fókus
Fyrir 2 dögum

Markvissar aðgerðir í Hafnarfirði gegn hrakandi málþroska íslenskra barna

Markvissar aðgerðir í Hafnarfirði gegn hrakandi málþroska íslenskra barna
Fókus
Fyrir 2 dögum

Gyða gefur út Evolution – Útgáfutónleikar og Airwaves

Gyða gefur út Evolution – Útgáfutónleikar og Airwaves