fbpx
Mánudagur 21.janúar 2019
Fókus

Gísli í Haga barnaði systur sínar tvær

Kristinn H. Guðnason
Miðvikudaginn 26. desember 2018 18:00

Fínt fólk Átti oft subbuleg örlög eins og almúginn.

Um aldir var fámenni á Íslandi, landið allt dreifbýlt og samgöngur erfiðar. Hefur þetta átt sinn þátt í því að Íslendingar mökuðust gjarnan með skyldfólki sínu, stundum systkinum. Ávöxtur slíkra ævintýra var gjarnan börn sem enginn vildi kannast við. Á Barðaströnd um miðja sextándu öld gerðist hins vegar sá fátíði atburður að piltur átti börn með tveimur systrum sínum. Öll voru þau um tvítugt.

Það gerðist á stórbýlinu Haga á Barðaströnd á fjórða áratug sextándu aldar að höfðingjasonur barnaði tvær systur sínar. Þetta voru Gísli, Kristín og Þórdís Eyjólfsbörn. Foreldrar þeirra voru Eyjólfur Gíslason, títt nefndur Mókollur, og Helga Þorleifsdóttir. Helga var dóttir hirðstjórans á Reykhólum og Eyjólfur bróðursonur Ögmundar Pálssonar, biskups í Skálholti.

Flestir höfðingjar hefðu reynt að fela þessa smán með öllum tiltækum ráðum. Borgað og hylmt yfir. En Hagafólkið viðurkenndi orðinn hlut og ákvað að taka á málinu á uppbyggilegan hátt. Voru öll systkinin þrjú send suður til Ögmundar í fóstur.

Í Skálholti var málið krufið til mergjar. Var systrunum fyrirgefið að hafa legið með bróður sínum þar sem það var talið sannað að hann hefði nauðgað þeim. Gísli var sendur með skipi til Noregs. Þar átti hann að fara í vist hjá sjálfum Ólafi Engilbriktssyni, erkibiskupi í Niðarósi. En Gísli dó skömmu eftir komuna þangað.

Þórdís varð húsfreyja á bænum Saurbæ á Kjalarnesi. Í Skálholti kynntist Kristín Gísla Jónssyni, síðar biskupi, og giftist honum.

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Steingeitin – Agi, metnaður og vinnuharka

Steingeitin – Agi, metnaður og vinnuharka
Fókus
Í gær

Jensína náði ótrúlegum áfanga í dag – Elst allra sem hafa átt heima á Íslandi

Jensína náði ótrúlegum áfanga í dag – Elst allra sem hafa átt heima á Íslandi
Fókus
Fyrir 2 dögum

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku
Fókus
Fyrir 2 dögum

Simmi kveður – „Það er gaman að skila góðu búi af sér“

Simmi kveður – „Það er gaman að skila góðu búi af sér“
Fókus
Fyrir 3 dögum

Heimir Karls – „Framvegis ætla ég að faðma fólk eða „olnboga“

Heimir Karls – „Framvegis ætla ég að faðma fólk eða „olnboga“
Fókus
Fyrir 3 dögum

Ótrúleg breyting á Röggu nagla: Birti mynd af sér fyrir 10 árum – Sjáðu muninn

Ótrúleg breyting á Röggu nagla: Birti mynd af sér fyrir 10 árum – Sjáðu muninn