fbpx
Þriðjudagur 19.febrúar 2019
Fókus

Skagfirskur vinnumaður hýddi son sinn til dauða

Kristinn H. Guðnason
Sunnudaginn 2. desember 2018 21:00

Hýðingar Algeng refsing á miðöldum.

Ekki missa af Helstu tíðindum dagsins í pósthólfið þitt

Lesa nánar

Líf barna var ekki alltaf auðvelt á Íslandi í gegnum aldirnar. Voru þau gjarnan beitt harðræði og ofbeldi af hálfu foreldra sinna og annarra húsbænda. Árið 1662 kom upp hrottalegt manndrápsmál þegar vinnumaður í Skagafirði húðstrýkti son sinn til dauða. Um málið var skrifað í Vallholtsannál.

Sigurður Bergsson hét vinnumaður á bænum Minni Grindli í Fljótum í Skagafirði. Hann átti tólf ára gamlan son sem var lýst sem vesælum að vexti. Þessi sonur átti það til að stela mat úr búrinu vegna svengdar og þoldi húsbóndinn það illa. Skipaði hann Sigurði því að hirta drenginn.

Sigurður húðstrýkti son sinn fyrst í bæjardyrunum og skipaði honum að afklæðast sem hann gerði. Batt Sigurður þá reipi utan um fætur sonar síns og festi hann upp í bita. Þá hýddi Sigurður hann með vendi þangað til að „af dró hljóðin.“ Þrisvar sinnum bætti Sigurður á vöndinn.

Þegar sonurinn var loksins leystur var hann mjög illa haldinn. Gekk hann inn á baðstofu og bað um að fá að drekka. Seinna um kvöldið lést hann af sárum sínum.

Eftir þetta kom sýslumaður og færði Sigurð í járn. Var hann í kjölfarið fluttur af bænum og til Reynistaðar. Komu menn í héraði sér ekki saman um hvaða refsingu Sigurður skyldi fá og var málinu vísað til Alþingis. Ekki er þess getið hver örlög hans urðu.

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Íslandi spáð 12. sæti í Eurovision: Rússinn sem tapaði talinn sigurstranglegastur

Íslandi spáð 12. sæti í Eurovision: Rússinn sem tapaði talinn sigurstranglegastur
Fókus
Í gær

IceQueen-nafninu stolið af Ásdísi Rán: „Mér finnst þetta virkilega leim“

IceQueen-nafninu stolið af Ásdísi Rán: „Mér finnst þetta virkilega leim“
Fókus
Fyrir 2 dögum

Seinni undanúrslit söngvakeppninnar í kvöld – Hvert er þitt uppáhald?

Seinni undanúrslit söngvakeppninnar í kvöld – Hvert er þitt uppáhald?
Fókus
Fyrir 3 dögum

Kvika – Örþunn lína ástar og ofbeldis

Kvika – Örþunn lína ástar og ofbeldis