fbpx
Fimmtudagur 21.febrúar 2019
Fókus

Þingmaður missti framan af fingrum

Kristinn H. Guðnason
Sunnudaginn 25. nóvember 2018 18:00

Á sjó Jón Kristjánsson fer um borð í Hólmanesið.

Ekki missa af Helstu tíðindum dagsins í pósthólfið þitt

Lesa nánar

Jón Kristjánsson átti rúmlega tuttugu ára farsælan feril á Alþingi. Fyrst sem þingmaður Austurlands og síðar fyrir Norðausturkjördæmi. Árin 2001 til 2006 gegndi hann embætti heilbrigðisráðherra um tíma og félagsmálaráðherra einnig. Snemma á þingferlinum varð hann hins vegar fyrir slysi á sjó og missti framan af tveimur fingrum.

 

Vildi kynnast störfum um borð

„Við vorum að slaka vörpunni út og ég klemmdist undir öðrum togvírnum aftur í rennunni,“ sagði Jón við DV þann 26. júlí árið 1986. Hafði hann þá orðið fyrir slysi tveimur dögum áður um borð í skuttogaranum Hólmanesi sem gerði út frá Eskifirði.

Jón hafði verið alþingismaður frá árinu 1983 og varaþingmaður í fimm ár fyrir það. Jón er frá Egilsstöðum og hafði fyrir þingmennskuna starfað sem verslunarstjóri hjá kaupfélaginu á Héraði og félagsmálafulltrúi. Jón var jafnframt stjórnarformaður kaupfélagsins sem átti helminginn í Hólmanesinu. Sjóferðir voru ekki eitthvað sem Jón fór í reglulega. Var þetta til þess að kynnast störfum um borð í togurum.

 

Á sjó
Jón Kristjánsson fer um borð í Hólmanesið.

Bar sig karlmannlega

Miðvikudaginn 23. júlí hélt hann á miðin og byrjaði túrinn vel. Um 15 til 20 tonn af afla voru komin um borð þegar slysið gerðist. Jón missti framan af tveimur fingrum og þremur tímum síðar var stefnan tekin á Eskifjörð. Farið var með Jón til Egilsstaða og þaðan flogið á Akureyri þar sem Jón lagðist inn á Fjórðungssjúkrahúsið.

Jón bar sig karlmannlega þegar blaðamenn heimsóttu hann á spítalann. Hann sagði: „Ég veit satt að segja ekki hve mikið fór framan af fingrunum en þetta gat vart verið minna, held ég, fyrst þetta var að koma fyrir mig á annað borð.“

Sagðist hann ekki ætla á sjóinn í bráð eftir þetta. „Ég þarf líka að fara að sinna öðrum störfum, það eru að byrja fundahöld vegna þingstarfanna.“ Við hlið Jóns lá blómvöndur frá útgerðinni. „Þeir sendu mér þetta í morgun með ósk um góðan bata, þeim þótti þetta mjög miður, strákunum um borð.“ Jón sagði að sér liði vel miðað við aðstæður. „Ég er brattur og á von á því að útskrifast fljótlega af sjúkrahúsinu, jafn vel á morgun.“

 

 

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum
Alda Karen gengin út
Fókus
Í gær

Rosana er Bom Dia-konan – Varð ástfangin af Íslandi út af Nígeríusvindlara – Reyndi að vara Jón Gnarr við

Rosana er Bom Dia-konan – Varð ástfangin af Íslandi út af Nígeríusvindlara – Reyndi að vara Jón Gnarr við
Fókus
Í gær

Sjáðu myndirnar: Vesalings elskendur frumsýnd með pompi og prakt

Sjáðu myndirnar: Vesalings elskendur frumsýnd með pompi og prakt
Fókus
Fyrir 2 dögum

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið
Fókus
Fyrir 2 dögum

Íslandi spáð 12. sæti í Eurovision: Rússinn sem tapaði talinn sigurstranglegastur

Íslandi spáð 12. sæti í Eurovision: Rússinn sem tapaði talinn sigurstranglegastur
Fyrir 3 dögum

Aron Leví greindist snemma með ADHD: „Ég var ekki vandræðaunglingur, en heldur ekki fyrirmyndardrengur“

Aron Leví greindist snemma með ADHD: „Ég var ekki vandræðaunglingur, en heldur ekki fyrirmyndardrengur“
Fyrir 3 dögum

Lítt þekkt ættartengsl: Rokkarinn og fréttamaðurinn

Lítt þekkt ættartengsl: Rokkarinn og fréttamaðurinn