Blaðamenn Tímans litu við föstudagskvöldið 3. nóvember árið 1973 þar sem mikið stuð var og flestir í röndóttum eða köflóttum náttfötum.
Skottís, dömufrí, polki og nýmóðins dansar sáust þar en einungis gos og sælgæti á barnum.
Höskuldur Frímannsson formaður var klæddur í gamaldags náttserk.
Hann sagði að flestir félagarnir væru á aldrinum 16 til 25 ára og að nándin væri svo mikil í hópnum að 10 hjónabönd Hrannara hefðu orðið að veruleika á einu ári.
Það varð að teljast sérstaklega mikið í ljósi þess að aðeins tæplega 200 manns voru í félaginu.