fbpx
Fókus

Undrandi undirtónar: Svampur Sveinsson og dauðasyndirnar sjö

Tómas Valgeirsson
Sunnudaginn 6. maí 2018 19:30

Í vestrænni dægurmenningu finnast dauðasyndirnar sjö ekki einungis í þekktum spennutrylli með Morgan Freeman og Brad Pitt, heldur líka í teiknimyndunum um Svamp Sveinsson (SpongeBob Squarepants), þó með lúmskari hætti heldur en mætti halda.

Teiknimyndirnar hafa notið gríðarlegra vinsælda um allan heim og ekki síður á Íslandi. Þættirnir hafa jafnframt hitt beint í mark á meðal margra fullorðinna og hafa í gegnum tíðina sprottið upp kostulegar kenningar um vissa undirtóna í efninu.

Höfundur Svamps, Stephen Hillenburg, hefur ekki neitað því að helstu persónurnar séu lauslega byggðar á dauðasyndunum sjö úr trúarbrögðum.

Kannski eitthvað sé til í þessu?

 

 1. ÁGIRND – SVAMPUR SVEINSSON

‘Svampur elskar alla í kringum sig – þó að ekki allir elski hann á móti – og stýrist af áköfum áhuga á að öðlast mikla dýrkun og gera góða hluti. Þetta blasir allt við.

 

2. OFÁT – GARÐAR

Mjálmandi snigillinn Garðar lætur yfirleitt vel um sig fara í bakgrunninum en reglulega kemur það fyrir að Svampur margtekur það fram að hann ætli alltaf að gefa gæludýrinu sínu að borða. Í einum þættinum strýkur snigillinn meira að segja að heiman eftir að gleymst hefur að gefa honum að borða.

 

3. GRÆÐGI – KLEMMI

Þessi leynir sér ekki. Klemmi krabbi, yfirmaður Sveinssonar, hugsar ekki um neitt nema peninga, út og inn. Þarf nokkuð að segja meira?

 

4. LETI – PÉTUR KROSSFISKUR

Oftar en ekki liggur Pétur liggur undir grjóti og gerir lítið sem ekkert í hinu daglega lífi, nema þegar þeir Svampur eru komnir út í einhvern skrípaleik. Greind Péturs er ekki mikil en latur er hann svo sannarlega. Í þættinum „Big Pink Loser“ fékk þar að auki verðlaun fyrir að gera nákvæmlega ekkert í sem lengstan tíma.

 

5. REIÐI – SIGMAR SMOKKFISKUR

Eins og allar aðrar persónurnar í bænum Bikiníbotnum er smokkfiskurinn Sigmar ekki mjög marghliða fígúra. Hann er alltaf reiður, endalaust bitur, almennt andfélagslyndur og hefur óvægið óþol fyrir aðalpersónunni. Það er því ekki langsótt að segja að Simmi mætti brosa oftar.

 

6. ÖFUND – PADDI

Röddin hjá þessari illu marfló er mikil þó að stærðin sé agnarsmá. Paddi rekur veitingastað sem er samkeppnisstaður Klemmabita. Alveg eins og Klemmi sjálfur baðar sig í peningadýrðinni og eigin velgengni þá er Paddi óhjákvæmilega öfundsjúkur út í keppinaut sinn. Reynir hann sömuleiðis oft að stela uppskriftaformúlum og vonast sífellt eftir sambærilegri velgengni og nágranni sinn.

 

7. HROKI – HARPA ÍKORNI

Það sérstaka við neðansjávarheiminn í teiknimyndunum um Svamp og vini hans er hvernig aðstæður eru gerðar mjög svipaðar og ofansjávar. Umhverfið virðist hafa sama viðnám og ofansjávar og keyra t.d. íbúar um á bátum eða skella sér í freyðibað. Íkorninn Harpa fór á kostum í einum þættinum þar sem hún vildi meina að allir (eins og hún) sem kæmu ofansjávar frá væru betri en þeir í sjónum. Óneitanlega persónugerving stoltsins eða hroka.

 

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 14 klukkutímum

Fjórða Naked Gun myndin í vinnslu – verður Bill Hader nokkuð Drebin?

Fjórða Naked Gun myndin í vinnslu – verður Bill Hader nokkuð Drebin?
Fókus
Fyrir 15 klukkutímum

Sveinn Hjörtur er kominn í hundana – Gengur daglega með hunda úr hundaathvarfi

Sveinn Hjörtur er kominn í hundana – Gengur daglega með hunda úr hundaathvarfi
Fókus
Í gær

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!
Fókus
Í gær

Lestrarvinir er skemmtilegt verkefni sem sameinar fjölskyldur og bókelska sjálfboðaliða

Lestrarvinir er skemmtilegt verkefni sem sameinar fjölskyldur og bókelska sjálfboðaliða
Fókus
Í gær

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“
Fókus
Í gær

Tókstu eftir öllum þessum draugum í The Haunting of Hill House?

Tókstu eftir öllum þessum draugum í The Haunting of Hill House?
Fókus
Í gær

Fjölmenni í 10 ára afmæli UNICEF og Te & Kaffi – 10 daga söfnunarátak

Fjölmenni í 10 ára afmæli UNICEF og Te & Kaffi – 10 daga söfnunarátak
Fókus
Í gær

Ragga nagli – „Föstur eru að eiga sitt stjörnumóment í sviðsljósinu um þessar mundir“

Ragga nagli – „Föstur eru að eiga sitt stjörnumóment í sviðsljósinu um þessar mundir“