fbpx
Fimmtudagur 13.desember 2018
Fókus

Star Wars myndum fer fækkandi

Tómas Valgeirsson
Laugardaginn 22. september 2018 19:30

„Eftir á að hyggja sé ég mistökin sem ég gerði og tek á mig sökina. Þetta var aðeins of mikið á stuttum tíma.“ Svo mælir Bob Iger, framkvæmdastjóri Disney í samtali við fréttamiðilinn The Hollywood Reporter, en Iger hefur ákveðið að besta ákvörðunin varðandi Star Wars myndabálkinn sé að fækka í færibandinu.

Þegar risarnir hjá Disney festu kaup á fyrirtækinu Lucasfilm var strax tekin sú ákvörðun að gefa út eina Star Wars mynd á hverju ári. Hugmyndin var að feta í fótspor Marvel-myndanna – sem eru einnig í eigu Disney – og leit það út fyrir að vera hagnýt viðskiptaákvörðun, þangað til að kvikmyndin Solo: A Star Wars Story stóðst ekki væntingar í aðsókn fyrr um árið.

Heildartekjur Solo námu í kringum 400 milljónir á heimsvísu. Undir venjulegum kringumstæðum þykir það ekki vera amaleg tala, nema það að kostnaður myndarinnar er sagður vera í kringum 300 milljónir og fór umtalsverður aukakostnaður í markaðssetningu myndarinnar. Solo er þar með talin vera fyrsta svokallaða flopp myndabálksins og var það kveikiþráðurinn að breyttum áherslum hjá Disney og verða því sjálfstæðar kvikmyndir seríunnar í minni forgangi.

„Þið megið búast við fækkun en það þýðir auðvitað ekki að við munum ekki búa til kvikmyndir,“ bætir Iger við. „Næstu skref eru þau að ákveða hvernig við förum að þessu eftir næstu kvikmynd. Við viljum einbeita okkur að gæðum frekar en magni.“

Mikið vatn hefur runnið til sjávar eftir að Disney keypti Lucasfilm árið 2012 og stóð til að framleiða ýmsar kvikmyndir sem aldrei urðu að veruleika. Á tímapunkti heyrðust raddir um að framleiðsla ætti að hefjast á sjálfstæðum kvikmyndum um persónurnar Boba Fett, Yoda og Obi-Wan Kenobi á yngri árum.

Næsta framlag til myndabálksins verður ónefndi níundi kafli seríunnar, en J.J. Abrams (The Force Awakens) vinnur hörðum höndum að henni að svo stöddu. Einnig eru helstu aðstandendur Game of Thrones-þáttanna, þeir David Benioff og D.B. Weiss, að þróa eigin sögur úr sama heimi.

Star Wars: Episode IX verður frumsýnd í kringum jólin á næsta ári.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Storytel kynnir til sögunnar fjölskylduáskrift

Storytel kynnir til sögunnar fjölskylduáskrift
Fókus
Í gær

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Í gær

Þórdís Karlsdóttir er Jólastjarnan 2018 – Gefur út Crazy

Þórdís Karlsdóttir er Jólastjarnan 2018 – Gefur út Crazy
Fókus
Í gær

Þórdís Elva flytur magnaðan óð til stúlkna – „Þið eruð framtíðin. Megi eldgosið byrja“

Þórdís Elva flytur magnaðan óð til stúlkna – „Þið eruð framtíðin. Megi eldgosið byrja“