fbpx
Fókus

Danskur rithöfundur og stjórnmálamaður hélt útgáfuhóf í Reykjavík: Lítið peð í alþjóðlegu samsæri

Ágúst Borgþór Sverrisson
Mánudaginn 3. september 2018 13:49

Frá vinstri: Höfundurinn, Vigdís og þýðandi bókarinnar, Eiríkur Brynjólfsson

Spennusagan Fjörður hinna dauðu er nýkomin út í íslenskri þýðingu en höfundurinn er danski stjórnmálamaðurinn Hans Jakob Helms. Hann starfar í dag sem diplómat en er fyrrverandi þingmaður Grænlendinga á danska þjóðþinginu og fyrrverandi ráðherra í grænlensku heimastjórninni. Hans Jakob fagnaði íslenskri útgáfu bókarinnar í verslun Pennans Eymundsson í Kringlunni um liðna helgi.

Það er Draumsýn sem gefur bókina út á Íslandi og um efni hennar segir í tilkynningu frá útgefanda:

„Langt er um liðið frá því að upplýst var að Bandaríkjaher flaug flugvélum hlöðnum kjarnorkusprengjum til herstöðvarinnar í Thule. En getum við verið viss um að málinu hafi lokið þar með?

Þegar ungur grænlenskur maður finnst látinn, hafði verið stunginn til bana í almenningsgarði í miðri Næróbí, virðist það vera tilviljun. Í upphafi virðist þetta vera enn eitt ránið í hættulegustu borg heims. En þegar nýráðinn fulltrúi í danska utanríkisráðuneytinu, Óskar Sonne, er sendur til Afríku til að tryggja öruggan flutning á líki hins myrta heim til fjölskyldunnar á Grænlandi kemur skyndilega í ljós að málið er ekki svo einfalt.

Dularfullir atburðir eiga rætur að rekja til MI5 á Englandi, CIA í Bandaríkjunum og til Thule fyrir norðan heimskautsbaug, en faðir hins látna er bæjarstjóri þar. Kannski er hin gamla frásögn um kjarnorkuvopnin aðeins toppurinn á ísjakanum?

Fljótt finnur Óskar að hann er aðeins lítið peð í stóru alþjóðlegu samsæri, sem ógnar bæði lífi hans og hans nánustu.“

Þýðandi verksins er Eiríkur Brynjólfsson. Þess má geta að Hans Jakob Helms er góður vinur Vigdísar Finnbogadóttur forseta og fór vel á með þeim í útgáfuhófinu. Nánar um bókina á vef Draumsýnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 14 klukkutímum

Fjórða Naked Gun myndin í vinnslu – verður Bill Hader nokkuð Drebin?

Fjórða Naked Gun myndin í vinnslu – verður Bill Hader nokkuð Drebin?
Fókus
Fyrir 14 klukkutímum

Sveinn Hjörtur er kominn í hundana – Gengur daglega með hunda úr hundaathvarfi

Sveinn Hjörtur er kominn í hundana – Gengur daglega með hunda úr hundaathvarfi
Fókus
Í gær

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!
Fókus
Í gær

Lestrarvinir er skemmtilegt verkefni sem sameinar fjölskyldur og bókelska sjálfboðaliða

Lestrarvinir er skemmtilegt verkefni sem sameinar fjölskyldur og bókelska sjálfboðaliða
Fókus
Í gær

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“
Fókus
Í gær

Tókstu eftir öllum þessum draugum í The Haunting of Hill House?

Tókstu eftir öllum þessum draugum í The Haunting of Hill House?
Fókus
Í gær

Fjölmenni í 10 ára afmæli UNICEF og Te & Kaffi – 10 daga söfnunarátak

Fjölmenni í 10 ára afmæli UNICEF og Te & Kaffi – 10 daga söfnunarátak
Fókus
Í gær

Ragga nagli – „Föstur eru að eiga sitt stjörnumóment í sviðsljósinu um þessar mundir“

Ragga nagli – „Föstur eru að eiga sitt stjörnumóment í sviðsljósinu um þessar mundir“