fbpx
Fókus

Gamanmyndahátíð Flateyrar frumsýnir 11 íslenskar gamanmyndir

Ragna Gestsdóttir
Miðvikudaginn 12. september 2018 18:30

Gamanmyndahátíð Flateyrar verður haldin í þriðja sinn, dagana 13.-16. september næstkomandi. Hátíðin í ár er sérstaklega glæsileg, þar sem hlátur og gleði er í fyrirrúmi, líkt og fyrri ár. Hátíðin fer að mestu fram í 80 ára gömlum bræðslutanki sem stendur á Sólbakka við Flateyri. 

Hátíðin hefst fimmtudaginn 13. september þegar leiksýningin Hellisbúinn verður sett upp í Samkomuhúsinu á Flateyri, en þetta er í fyrsta sinn sem leiksýning er á dagskrá hátíðarinnar.

Tankurinn þar sem hátíðin fer fram.

Í ár verða þrjátíu íslenskar gamanmyndir sýndar og af þeim eru ellefu frumsýningar. Sú nýbreytni verður á hátíðinni í ár að Steypustöðin ætlar að bjóða upp á sérstaka barnasýningu. Þar verður myndin Algjör sveppi og Dularfulla hótelherbergið sýnd. Ein af aðalpersónum myndarinnar, Villi Vísindamaður, verður viðstaddur sýninguna og ræðir myndina við börnin ásamt því að gera nokkrar brjálaðar vísindatilraunir.

Heiðursgestur hátíðarinnar í ár er Óskar Jónasson leikstjóri og myndin hans, Sódóma Reykjavík er heiðursmynd hátíðarinnar. Þar fyrir utan verða sýndar tvær af fyrstu myndum Óskars, þær Oxsmá plánetan og Sjúgðu mig Nína, sem hefur verið með öllu óaðgengileg frá því að hún kom úr árið 1985. Myndin hefur þó lifað góðu lífi  í formi sögusagna, enda hefur myndin skipað sér í fremstu röð meðal íslenskra költ mynda.  Með aðalhlutverk í Sjúgðu mig Nína fara þau Kormákur Geirharðsson og Halla Margrét Árnadóttir, sem eru heldur þekktari fyrir tónlist sína en leikhæfileika í dag.

Áskorun til kvikmyndagerðarmanna

Á undanförnum árum hefur Gamanmyndahátíð Flateyrar sýnt tæplega 100 íslenskar gamanmyndir og ljóst að sá sjóður er ekki botnlaus, en hátíðarhöldurum hefur tekist að grafa ansi djúpt eftir mörgum myndum, og reyndar bjargað nokkrum þeirra frá glötun með því að fjármagna yfirfærslu mynda yfir á stafrænt form.

Svo hátíðin megi dafna og lifa um ókomna tíð þarf að framleiða fleiri gamanmyndir á Íslandi. Því skorar Gamanmyndahátíð Flateyrar á íslenskt kvikmyndagerðarfólk að framleiða fleiri gamanmyndir á komandi árum.

 

Facebook-síða hátíðarinnar.

Viðburður fyrir Gamanmyndahátíðina í ár.

 

 

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Olga er með ólæknandi krabbamein: „Það er mikilvægt að velta dauðanum fyrir sér og taka hann í sátt“

Olga er með ólæknandi krabbamein: „Það er mikilvægt að velta dauðanum fyrir sér og taka hann í sátt“
Fókus
Í gær

Biggi lögga vill að flugfélögin komi hreint fram – „Af hverju samþykkja neytendur svona hegðun?“

Biggi lögga vill að flugfélögin komi hreint fram – „Af hverju samþykkja neytendur svona hegðun?“
Fókus
Fyrir 3 dögum

Jóhann Jóhannsson valinn kvikmyndatónskáld ársins á World Soundtrack Awards

Jóhann Jóhannsson valinn kvikmyndatónskáld ársins á World Soundtrack Awards
Fókus
Fyrir 3 dögum

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“