Klikkuð kolsvört kómedía með sex mismunandi sögum sem fléttast saman á stórkostlegan hátt í kvikmynd sem slegið hefur í gegn í Póllandi og hefur verið líkt við hina frábæru kvikmynd Wild Tales.
Sex sögur um venjulegt fólk sem lendir í ótrúlegum aðstæðum sem leiða til þess að þau fá kvíðakast. Upplifunin er sannkölluð rússíbanareið atburða: kona hittir tvo af hennar fyrrverandi á einu og sama kvöldinu, par velur allra verstu sætin í flugvél, ung stúlka á í hættu að vinkonur hennar fletti ofan af henni sem klámstjörnu, brúður fæðir í eigin brúðkaupi, táningur fer í vímu í fyrsta skiptið á meðan ungur maður þarf að grátbiðja stórfurðulega móður sína um að bjarga lífsverkinu hans. Frábær farsi sem sker í gegnum lög samfélagsins með beinskeyttum húmor.
„Frumraun pólska leikstjórans Pawel Maslona, á mynd í fullri lengd, er drepfyndin svört kómedía með samofnum söguþráðum sem staðfestir svo sannarlega máltækið því fleiri því betra“ – Cineuropa, gagnrýni eftir Ola Salwa
Myndin er sýnd í Bíó Paradís föstudaginn 24. ágúst til þriðjudagsins 28. ágúst með íslenskum texta.
Sjá frekari upplýsingar hér.
