fbpx
Laugardagur 15.desember 2018

DV - Frjáls og óháður miðill

Kaffistofan

PR-vandi

Smásagnasamkeppni í tilefni af 70 ára afmæli Mannréttindayfirlýsingarinnar

Ragna Gestsdóttir
Miðvikudaginn 1. ágúst 2018 15:30

Þann 10. desember næstkomandi eru liðin 70 ár síðan Mannréttindayfirlýsing Sameinuðu þjóðanna var samþykkt af 48 aðildarríkjum Sameinuðu þjóðanna, meðal annars Íslandi. Af því tilefni hafa nokkrir aðilar tekið sig saman um að efna til smásagnasamkeppni tengdri mannréttindum.

Samkeppnin er opin öllum. Engar sérstakar kröfur eru gerðar um efni sagnanna, einungis að þær fjalli á einn eða annan hátt um mannréttindi, nú eða skort á þeim, og allt þar á milli. Þriggja manna dómnefnd mun taka við innsendum verkum og verður farið í einu og öllu eftir reglum Rithöfundasambands Íslands um slík verk.

Þetta voru ótrúlega þýðingarmikil tímamót í mannkynssögunni, að algild mannréttindi væru samþykkt á vettvangi Sameinuðu þjóðanna, árið 1948. Við tökum mannréttindum á Vesturlöndum sem gefnum, en síðustu ár hafa látið á sér kræla raddir sem tala gegn þeim, og gegn alþjóðasamstarfi eins og Sameinuðu þjóðunum. Því viljum við hvetja til umræðu í samfélaginu um mannréttindi frá sem flestum sjónarhornum. Við þurfum öll að sporna við þjóðernissinnaðri hatursorðræðu, og fólki sem hvetur til illrar meðferðar á þeim sem veikastir eru fyrir eða skera sig úr,“

segir Michael Mann, sendiherra Evrópusambandsins á Íslandi.

Vinningshafinn hlýtur að launum þriggja vikna dvöl í Evrópu á næsta ári, en nákvæmari staðsetning verður ákveðin í samráði við vinningshafann. Dvölin er hugsuð sem vinnuferð, þar sem höfundur getur unnið frekar að ritstörfum. Ferðir og uppihald innifalið.

Senda má inn sögur allt fram til 10. október 2018. Ef ekki berast nægilega góðar sögur áskilur dómnefnd sér rétt til að hafna öllu innsendu efni. Miðað er við að sögurnar verði bilinu 1.500 til 5.000 orð að lengd. Nánari útlistun á tæknilegum skilyrðum má finna á heimasíðu Rithöfundasambandsinssem hefur umsjón með framkvæmd samkeppninnar. Hverri sögu skal skila í 3 eintökum undir dulnefni. Með skal fylgja umslag merkt með dulnefninu sem inniheldur nafn, heimilisfang, símanúmer og netfang höfundar. Einungis umslög sem fylgja sögum sem fá verðlaun verða opnuð og öllum gögnum verður fargað að keppni lokinni.  Sögurnar mega ekki hafa birst áður. Greint verður frá niðurstöðum samkeppninnar og verðlaun veitt mánudaginn 10. desember 2018.

Að samkeppninni standa sendinefnd Evrópusambandsins á Íslandi, upplýsingaskrifstofa Sameinuðu þjóðanna fyrir Vestur-Evrópu, Rithöfundasamband Íslands, og Hugvísindastofnun Háskóla Íslands.

Sögum skal skilað með eftirfarandi utanáskrift:

Smásagnasamkeppni í tilefni af 70 ára afmæli Mannréttindayfirlýsingarinnar

Gunnarshúsi

Dyngjuvegi 8

104 Reykjavík

Dómnefnd skipa þau Ástráður Eysteinsson prófessor, Gauti Kristmannsson prófessor og Halldóra K. Thoroddsen rithöfundur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 3 klukkutímum

Sóli Hólm ósáttur: Gert grín að slysi bróður hans

Sóli Hólm ósáttur: Gert grín að slysi bróður hans
Lífsstíll
Fyrir 3 klukkutímum

Tónskóli Hörpunnar: Gott nám fyrir sálina

Tónskóli Hörpunnar: Gott nám fyrir sálina
433
Fyrir 4 klukkutímum

Liverpool kallar leikmann til baka úr láni

Liverpool kallar leikmann til baka úr láni
Fyrir 4 klukkutímum

Nauðsynlegt að fá samþykki

Nauðsynlegt að fá samþykki
433
Fyrir 4 klukkutímum

Granqvist orðaður við Manchester United: Veit ekki hvort mig langi að fara þangað

Granqvist orðaður við Manchester United: Veit ekki hvort mig langi að fara þangað
Fókus
Fyrir 4 klukkutímum

Bjarndýr skotið í Fljótavík: „Þegar hann fékk leið á að skoða dyrnar fór hann í dótið okkar. Át þar appelsínur og gleypti heilt franskbrauð“

Bjarndýr skotið í Fljótavík: „Þegar hann fékk leið á að skoða dyrnar fór hann í dótið okkar. Át þar appelsínur og gleypti heilt franskbrauð“
Matur
Fyrir 5 klukkutímum

Frábært ráð Jennifer Garner til að mýkja smjör: Þetta höfum við aldrei séð

Frábært ráð Jennifer Garner til að mýkja smjör: Þetta höfum við aldrei séð
Fréttir
Fyrir 6 klukkutímum

Bílafloti sendiráða Íslands: Rándýr BMW í Peking en ódýr Renault í Nýju Delí

Bílafloti sendiráða Íslands: Rándýr BMW í Peking en ódýr Renault í Nýju Delí
Fréttir
Fyrir 6 klukkutímum

Tryggvi verður fluttur nauðugur á hjúkrunarheimili í Reykjavík – Herbergi hans tæmt án hans vitundar

Tryggvi verður fluttur nauðugur á hjúkrunarheimili í Reykjavík – Herbergi hans tæmt án hans vitundar