fbpx
Þriðjudagur 11.desember 2018
Fókus

Jóhanna Guðrún syngur nýja útgáfu af Ég sé þig – Einar fagnar 20 ára ferli

Ragna Gestsdóttir
Þriðjudaginn 30. október 2018 09:00

Í ár eru komin 20 ár síðan Einar Bárðarson steig fyrst fram sem lagahöfundur þegar lagið Farin með Skítamóral kom út. Lagið var fyrsta lagið sem Einar samdi og gaf út og urðu vinsældir þess slíkar að ekki var aftur snúið. Á 20 ára ferli liggja eftir hann rúmlega fimmtíu lög sem komu út í kringum síðustu aldamót.

Hann samdi mörg af vinsælustu lögum Skítamórals, Á móti sól og Nylon flokksins. Þá samdi hann vinsæl lög fyrir flytjendur á borð við Stjórnina, Björgvin Halldórsson, Jóhönnu Guðrúnu, Ingó og Veðurguðina, Hvanndalsbræður, Garðar Thór Cortes, og fleiri. Einar varð síðan heimsþekktur á Íslandi þegar lag hans, Birta, vann forkeppni Söngvakeppni Evrópskra sjónvarpsstöðva.

Ferill Einars er mjög sérstakur þar sem hann er einn örfárra höfunda á Íslandi sem aldrei hefur flokkast sem flytjandi enda hefur hann aldrei gefið út efni undir eigin nafni eða komið fram sem slíkur.

Í tilefni 20 ára höfundarafmælis síns heldur Einar sögustund og singalong tónleika í Bæjarbíói föstudagskvöldið 16. nóvember. Vel valin lög af ferli hans eru einnig í endurgerð, auk nýs efnis, og stefnt er á útgáfu safnplötunnar Myndir fyrir jól.

Fyrsta lagið sem lítur dagsins ljós í því verkefni er nú útgáfa af Ég sé þig sem kom út með Björgvini Halldórsyni árið 2002. Af því tilefni sagði Björgvin í viðtali við Morgunblaðið: „Við vorum að hlusta á lög og ég heyrði fyrir slysni lag eftir Einar sem hann raulaði sjálfur við píanóundirleik. Mér leist strax vel á þetta lag og kom mér á óvart hvað hann er góður söngvari.”

Lagið kom út á safnplötu sem hlaut nafnið Bestu ballöður Björgvins, en lagið hefur í tímans rás áunnið sér þann rétt að vera kallað það.

Jóhanna Guðrún og Gospelkór Jóns Vídalín flytja þessa rómuðu ballöðu í nýrri útgáfu.

Fjöldi frábæra söngvara koma fram á tónleikunum. Meðal gesta eru Magni, Gunnar Óla, Einar Ágúst og Ingó. Lagalistinn er í vinnslu, en lög eins og Spenntur, Farin, Myndir, Ennþá, Ég sé þig, Birta, Keyrðu mig heim, Allstaðar, Tætt, Síðasta Sumar munu hljóma ásamt fleiri lögum.

„Einnig eitt glænýtt lag sem er á leiðinni í spilun sem ég hlakka mikið til að bera undir þjóðina,“ segir Einar.

Tónlistarmenn á tónleikunum verða Þórir Úlfarsson á hljómborð og píanó. Eiður Arnarsson á bassa, Hannes Friðbjarnarson á trommur og Kristján Grétarsson á gítar. Sjálfur mun Einar spila með á gítar og syngja eitthvað af dagskránni og segja sögurnar á bak við lögin.

„Þetta eru Sing-a-long” tónleikar og þannig er öllum frjálst að taka undir,“ segir Einar.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum

Leikdómur: Rejúníon- „Marglaga verk um lífið“

Leikdómur: Rejúníon- „Marglaga verk um lífið“
Fókus
Fyrir 22 klukkutímum

Berglind Festival fer yfir jólaundirbúninginn – „Ég myndi aldrei borða KFC á aðfangadag“

Berglind Festival fer yfir jólaundirbúninginn – „Ég myndi aldrei borða KFC á aðfangadag“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“
Fókus
Í gær

DV Tónlist á föstudaginn : FM BELFAST

DV Tónlist á föstudaginn : FM BELFAST
Fókus
Í gær

Frækileg fjölgun frægra á árinu

Frækileg fjölgun frægra á árinu
Fókus
Fyrir 2 dögum

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“
Fókus
Fyrir 2 dögum

Elsta jólagjöf Þórunnar

Elsta jólagjöf Þórunnar