Fókus

Launmorðingjar næst á dagskrá hjá Elísabetu

Tómas Valgeirsson
Mánudaginn 10. september 2018 12:30

Klipparinn Elísabet Ronaldsdóttir hefur verið ráðin til starfa fyrir sjónvarpsseríuna Wu Assassins. Streymiveitan Netflix sér um framleiðsluna og mun Elísabet klippa fyrstu tvo þætti seríunnar, en þeir verða tíu samtals.

Elísabet í faðmi Deadpool

Elísabet greindi frá þessu á Facebook-síðu sinni, en hún er einn eftirsóttasti klippari landsins og hefur gert garðinn frægan upp á síðkastið með stórvinsælum kvikmyndum á borð við John Wick, Atomic Blonde og Deadpool 2 sem frumsýnd var í sumar. Elísabet hefur þó ekki eingöngu haldið sig við erlend verkefni á síðustu misserum og klippti einnig íslensku kvikmyndirnar Svanurinn og Vargur.

Sögusvið þáttanna er San Francisco og segir frá matreiðslumeistara sem snýr bökum saman við morðrannsóknarlögreglu. Saman ákveða þeir að fletta ofan af forngamalli ráðgátu þar sem yfirnáttúrulegir launmorðingjar, sem berjast fyrir réttlætinu, eiga í hlut.

Aðalleikari og einn framleiðandi Wu Assassins er indónesíski bardagameistarinn Iko Uwais. Hann þekkja margir úr hasarmyndunum The Raid og The Raid 2: Berandal, auk smáhlutverks úr Star Wars-myndinni The Force Awakens. Katheryn Winnick fer jafnframt með stórt hlutverk en hana kannast eflaust margir við úr sjónvarpsþáttunum Bones og Vikings.

Þættirnir Wu Assassin hefja göngu sína á streymiveitunni á næsta ári.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 16 klukkutímum

JóiPé og Króli ræða barnasáttmála SÞ – Alþjóðadagur barna er í dag – Sjáðu myndbandið

JóiPé og Króli ræða barnasáttmála SÞ – Alþjóðadagur barna er í dag – Sjáðu myndbandið
Fókus
Fyrir 16 klukkutímum

Jens sýndi Birgittu Haukdal ótrúlegan dónaskap – Svona tók hún á ókurteisi hans

Jens sýndi Birgittu Haukdal ótrúlegan dónaskap – Svona tók hún á ókurteisi hans
Fókus
Í gær

Bergrún og Ragga með litríkt útgáfuboð

Bergrún og Ragga með litríkt útgáfuboð
Fókus
Í gær

Fyrrverandi rokkstjarna afhjúpar málverk af prinsi

Fyrrverandi rokkstjarna afhjúpar málverk af prinsi
Fókus
Fyrir 2 dögum

Skissubók full af píkum og brjóstum

Skissubók full af píkum og brjóstum
Fókus
Fyrir 2 dögum

Hin dularfulla getnaðarvörn Rómverja

Hin dularfulla getnaðarvörn Rómverja