Fókus

Bransasögur í Hollywood – Stærsta Tarantino myndin til þessa

Tómas Valgeirsson
Fimmtudaginn 16. ágúst 2018 20:00

Níunda og nýjasta kvikmynd leikstjórans Quentin Tarantino, Once Upon a Time in Hollywood, verður frumsýnd eftir tæplega ár og er sögð vera hans stærsta til þessa.

Myndin segir nokkrar bransasögur af lífi fræga fólksins í Los Angeles árið 1969. Sagt er að nálgunin verði með ekki ósvipuðu sniði Pulp Fiction að því leyti hvernig ólíkar sögur tvinnast saman. Á annan veg mun myndin að hluta til fjalla um morðið á leikkonunni Sharon Tate ásamt seinni ár leikarans Rick Dalton og sögur af sambandi hans við áhættuleikara sinn, Cliff Booth.

Myndin notast við margar sannar bransasögur og ýktar af tímum í Hollywood þegar iðnaðurinn tók við miklum stakkaskiptum. Dalton og Booth eru annars vegar skáldaðar persónur.

Tarantino hefur áður sagt að hann ætli ekki að gera fleiri kvikmyndir þegar hann hefur náð tíu. Því má segja að ríkir mikil eftirvænting fyrir þeirri næstsíðustu, sem er frumsýnd í byrjun ágúst 2019 – en á því ári verða liðin 50 ár frá Manson-morðunum.

Með hlutverk í myndinni fara (og dragið andann djúpt) Leonardo DiCaprio, Brad Pitt, Timothy Olyphant, Margot Robbie, Al Pacino, Burt Reynolds, Kurt Russell, Dakota Fanning, Emile Hirsch, Tim Roth, Michael Madsen, Damian Lewis, Zoë Bell og Luke Perry.

Tökur standa nú yfir á myndinni og má sjá að neðan myndir frá tökustað.

Margot Robbie smellpassar í hlutverk leikkonunnar Sharon Tate.
Félagarnir Rick Dalton (Leonardo DiCaprio) og Cliff Booth (Brad Pitt).
Al Pacino kátur með leikstjóranum.
Nei, blessaður.
Los Angeles, árið 1969, frá sjónarhorni Tarantinos.
Hugað er að hverju smáatriði í umgjörð myndarinnar og tímabili hennar.

 

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Björt á von á fjórða barninu

Björt á von á fjórða barninu
Fókus
Fyrir 2 dögum

Hversu vel þekkir þú þessi íslensku orð? – Taktu prófið!

Hversu vel þekkir þú þessi íslensku orð? – Taktu prófið!
Fókus
Fyrir 2 dögum

Anna Lilja nælir í athafnamann

Anna Lilja nælir í athafnamann
Fókus
Fyrir 2 dögum

Þekktir Íslendingar minnast spámiðils: „Ef þú varst frægur þá þekktir þú Stúllu“

Þekktir Íslendingar minnast spámiðils: „Ef þú varst frægur þá þekktir þú Stúllu“
Fókus
Fyrir 2 dögum

Sævar útskýrir Svarthol og hvernig þau virka

Sævar útskýrir Svarthol og hvernig þau virka
Fókus
Fyrir 2 dögum

Ragnheiður leikur í Vikings – „Ég fer þangað sem ég vil og ætla og mér finnst skipta máli“

Ragnheiður leikur í Vikings – „Ég fer þangað sem ég vil og ætla og mér finnst skipta máli“