fbpx

Extreme Chill Festival – Leyndardómsfullt ferðalag um rafræna Reykjavík

Ragna Gestsdóttir
Þriðjudaginn 24. júlí 2018 15:30

Miðasala er hafin á tónlistarhátíðina Extreme Chill Festival sem fer fram í Reykjavík dagana 6.-9.september næstkomandi, en þetta er 9.árið sem hátíðin er haldin. 

Hátíðin er 4 daga tónlistarveisla þar sem íslenskir og erlendir listamenn með ólíkan bakgrunn á öllum aldri mætast í sköpun sinni undir áhrifum íslenskrar náttúru. Þetta verður leyndardómsfullt ferðalag um rafræna Reykjavík.

Markmið hátíðarinnar er að kynna íslenska og erlenda raftónlistarmenn og tengja saman ólík listform, hljóðheim raftónlistarinnar og lifandi myndheim(visuals). Að tengja saman erlenda og innlenda tónlistar- og videó/myndlistarmenn og sköpun þeirra ásamt því að vekja athygli á rafrænni Reykjavík, raftónlistarhöfuðborg Íslands.

 

Í ár kemur mikill fjöldi listamanna fram á hátíðinni sem verður með enn stærra sniði en áður. Þarna koma saman ólíkir listamenn frá tilraunakenndum listamönnum til klassískrar listamanna. Þar á meðal: Jan Jelinek, Bára Gísladóttir, Banco De Gaia, Dj Flugvél og Geimskip, Marsen Jules, Ragnhild May, Astrid Sonne, Andrew Heath, Sillus, Mankan (Kippi Kaninus & Tom Manoury), og fleiri og fleiri.

Hátíðin mun eiga sér stað á fjórum mismunandi stöðum í miðborginni: Harpa (Kaldalón), Gamlabíó, Húrra, Fríkirkjan Í Reykjavík ásamt nokkrum minni stöðum til viðbótar (auglýst síðar).

Hátíðin hefur vakið mikla athygli víða um heim og var t.d. valin ein af eftirtektaverðustu tónlistarhátíðum 2012 í “The Guardian” sökum einstakrar tengingar tónlistar og náttúru.

Extreme Chill er hátíð sem setur ávallt markmiðin hærra með hverju ári og hefur nú verið haldin bæði í Berlín og víða um land og hefur líka verið í samstarfi við ýmsar hátíðir bæði hérlendis og erlendis.

Hátíðar passinn kostar aðeins 8.900 kr. fyrir alla fjóra dagana, en síðustu ár hefur selt upp og komumst færri að en vildu.

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 klukkutímum

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“
Bleikt
Fyrir 2 klukkutímum

Guðbjörg eignaðist barn á 24. viku – „Mjög svo yfirþyrmandi og dramatískt allt saman“

Guðbjörg eignaðist barn á 24. viku – „Mjög svo yfirþyrmandi og dramatískt allt saman“
433
Fyrir 3 klukkutímum

Jón Þór um ósætti Stjörnunnar: Mín samskipti við Stjörnuna voru hrein og bein

Jón Þór um ósætti Stjörnunnar: Mín samskipti við Stjörnuna voru hrein og bein
433
Fyrir 3 klukkutímum

Jón Þór: Hef aldrei skilgreint mig sem karlaþjálfara eða kvennaþjálfara

Jón Þór: Hef aldrei skilgreint mig sem karlaþjálfara eða kvennaþjálfara
433
Fyrir 4 klukkutímum

Sarri skipar stuðningsmönnum Chelsea að virða Mourinho

Sarri skipar stuðningsmönnum Chelsea að virða Mourinho
433
Fyrir 4 klukkutímum

Sanchez gat ekki æft með United í dag og tæpt að hann spili gegn Juventus

Sanchez gat ekki æft með United í dag og tæpt að hann spili gegn Juventus