Í dag kl. 17 opnar Litka sýningu félagsmanna í Borgarbókasafni, Menningarhúsinu Spönginni. Á sýningunni eru vatnslitamyndir og olíumálverk.
Litka er félag fólks á öllum aldri sem sameinast í áhuga sínum á myndlist. Félagið var stofnað árið 2009 og hefur síðan þá haldið úti blómlegu starfi og sýnt á fjölmörgum stöðum.
Litka hefur á að skipa rúmlega hundrað félagsmönnum, hópurinn er fjölbreyttur og einstaklingarnir með ýmiss konar bakgrunn. Fjölbreytnin endurspeglast gjarnan í samsýningum hópsins.
Sýningin er opin til 31. ágúst næstkomandi.
Myndirnar hér fyrir neðan eru teknar af Facebooksíðu félagsins og sýna fjölbreytnina í verkum félagsmanna.