Það er hluti af stemningunni að hafa sérstakt opinbert FIFA lag og nokkur önnur vel valin lög.
Svo eru þeir sem ákveða bara að útbúa lag til að styðja sitt land. Og það gerir söngkonan Juana Judith Bustos Ahuite, sem er betur þekkt í heimalandi sínu Perú sem Tígrisynja Austurins. Perú keppir í C riðli ásamt frændum okkar Dönum, Frökkum og Áströlum.
Ahuite sem er 72 ára er söngkona, hárgreiðslu- og förðunarfræðingur. Lög hennar munu vera einstaklega vinsæl á YouTube. Glöggir áhorfendur taka kannski eftir því að Ahuite svipar mjög til hennar Leoncie okkar Íslendinga.
Lagið heitir því viðeigandi nafni „Heimsdrottning“ (The Queen of the World) og er til heiðurs Perú sem taka núna í fyrsta sinn í 36 ár þátt í heimsmeistarakeppni.