Stefán Jakobsson, söngvari Dimmu og Föstudagslaganna, vinnur nú að sinni fyrstu sólóplötu. Í dag kom fyrsta lagið út, Flóttamaður, og er það orðið aðgengilegt á YouTube og kemur á næstu dögum á Spotify.

Stebbi sem gefur lagið út undir nafninu JAK frumflutti lagið í þætti Ívars Guðmundssonar á Bylgjunni í morgun.

Þar kemur meðal annars fram að Stebbi var búinn að semja helminginn af textanum, smellti sér svo í nokkra kaffibolla til Magnúsar Þórs Sigmundssonar, sem kláraði með honum textann og annan til.

„Aðalatriðið er að þetta flæði rétt og músíkin verði góð,“ segir Stebbi. „Svo stend ég bara hérna og fæ á baukinn ef þetta er ekki gott eða þá klapp á bakið.“

Hyggst Stebbi síðan fara í söfnun á Karolina fund, „ég þarf aðstoð við þetta.“

Á plötunni spila félagi Stebba í Dimmu, Birgir Jónsson trommari, Hálfdán Árnason á bassa og Birkir Rafn Gíslason á gítar.

[youtube https://www.youtube.com/watch?v=6CIKhdhL99Y&w=560&h=315]

Í janúar sýndi Stebbi á sér hina hliðina í DV.