Kom sá og sigraði á Grammy-verðlaununum

Bruno Mars hlaut flest verðlaun á Grammy-verðlaunahátíðinni í nótt

Kristján Guðjónsson
Mánudaginn 29. janúar 2018 11:20

Grammy-tónlistarverðlaunahátíðin fór fram í nótt. Það var bandaríski R’n’B-tónlistarmaðurinn Bruno Mars sem hlaut flest verðlaun eða sex talsins, fyrir breiðskífu ársins (24K Magic), smáskífu ársins, lag ársins (That’s What I Like), besta R’n’B-flutninginn, bestu R’n’B-plötuna, besta R’n’B-lagið, auk þess sem teymi hans var verðlaunað fyrir hljóðvinnslu á plötunni 24K Magic.

Velgengni Mars kom nokkuð á óvart en flestir höfðu búist við því að rappararnir Kendrick Lamar og Jay-Z myndu sópa til sín helstu verðlaununum. Lamar fékk raunar fimm verðlaun og var með fullt hús í rappflokknum, þar sem hann var verðlaunaður fyrir bestu plötu, besta lag og besta flutninginn, bæði rappaðan og sunginn. Bretinn Ed Sheeran var sigursælastur í flokki popptónlistar, Christ Stapleton í flokki sveitatónlistar og platan A Deeper Understanding með The War On Drugs var valin rokkplata ársins.

Engir Íslendinganna sem voru tilnefndir hlutu verðlaun í sínum flokkum. Kaleo þurfti að lúta í lægra haldi fyrir Leonard Cohen heitnum sem var verðlaunaður fyrir besta rokkflutning, og tónlist Justin Hurwitz fyrir kvikmyndina La La Land var verðlaunuð í stað kvikmyndatónlistar Jóhanns Jóhannssonar úr Arrival í flokknum besta tónlist fyrir sjónrænan miðil. Þá má nefna að heiðurstjórnandi Sinfóníuhljómsveitar Íslands, Finninn Osmo Vänskä, var einnig tilnefndur fyrir besta klassíska flutning á fimmtu sinfóníu Mahlers með sinfóníuhljómsveit Minnesota en tókst ekki að landa sigri.

Hægt er sjá lista yfir alla Grammy-verðlaunahafana í ár á vefsíðu verðlaunahátíðarinnar.

Sjá einnig: Grammy verðlaunin 2018: Báru hvítar rósir til stuðnings #metoo

Kristján Guðjónsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Óskaskrín í jólapakkann
Bleikt
Fyrir 2 klukkutímum

Kristbjörg og Aron komu á óvart með opinberun nafnsins

Kristbjörg og Aron komu á óvart með opinberun nafnsins
Pressan
Fyrir 2 klukkutímum

Ógnarstórar öldur lögðu svalirnar í rúst – Ekkert sólbaðsveður á Tenerife

Ógnarstórar öldur lögðu svalirnar í rúst – Ekkert sólbaðsveður á Tenerife
Fókus
Fyrir 2 klukkutímum

„Ananasbændur geta loksins haldið áfram með líf sitt“

„Ananasbændur geta loksins haldið áfram með líf sitt“
Bleikt
Fyrir 2 klukkutímum

Tíu spurningar sem þú átt aldrei að spyrja á fyrsta stefnumóti

Tíu spurningar sem þú átt aldrei að spyrja á fyrsta stefnumóti
Lífsstíll
Fyrir 3 klukkutímum
Óskaskrín í jólapakkann