Ólafur F. Magnússon, læknir og fyrrverandi borgarstjóri, hefur nú gefið út sína aðra plötu. Fylgir hann þar með eftir plötunni Ég elska lífið sem kom út í fyrra en nýja platan heitir Vinátta.
Í samtali við DV segir Ólafur að það sem einkenni plötuna sé vinátta, eins og nafn hennar gefur til kynna, rómantík og ættjarðarást.
Óhætt er að segja að Ólafur fái í lið með sér margt hæfileikafólk úr íslenskri tónlist á þessari plötu og má þar fyrstan telja Vilhjálm Guðjónsson sem útsetur nær öll lög Ólafs. Meðal annarra sem komu að henni má nefna Gunnar Þórðarson sem sér um útsetningu og hljóðfæraleik í tveimur lögum. Þá syngur Elmar Gilbertsson eitt lag á plötunni og Guðlaug Dröfn Ólafsdóttir syngur síðasta lagið, Lítið vögguljóð. Vilhjálmur Guðjónsson
Plata Ólafs er fáanleg í 12 tónum á Skólavörðustíg. Ólafur samdi sjálfur öll lög plötunnar og öll ljóðin, að einu undanskildu sem afi Ólafs, Magnús Jónsson, samdi.
Ólafur frumsýndi í gær myndband við titillag plötunnar og má sjá það hér að neðan.
[youtube https://www.youtube.com/watch?v=nA6puKZfc6M&w=560&h=315]