fbpx
Laugardagur 15.desember 2018
Fókus

Undur vináttu og samkenndar

Bíódómur: Wonder

Ragna Gestsdóttir
Föstudaginn 24. nóvember 2017 18:30

Kvikmyndin Wonder er byggð á samnefndri metsölubók R. J. Palacio og fjallar um Auggie, sem er 10 ára og einstakari en aðrir, þar sem hann er afskræmdur í andliti vegna litningagalla, sem fjölmargar aðgerðir hafa ekki náð að laga.

Hann býr með foreldrum sínum, eldri systur og hundi og hefur aldrei gengið í skóla, heldur hefur móðir hans kennt honum heima. En nú á hann að fara í alvöruskóla í fyrsta skipti og eins og mamma hans segir „það eru allir nýjir þar, ekki bara þú.“ Staðreyndin er hins vegar sú að Auggie sker sig úr á allan hátt, bæði útlitslega, félagslega og vitsmunalega. Hvernig mun honum farnast í skólanum, þar sem börn eru stundum vond við hvert annað, enda vita þau oft ekki betur.

Í helstu hlutverkum eru Jacob Tremblay sem leikur Auggie, Julia Roberts og Owen Wilson sem leika foreldra hans og Izabela Vidovic sem leikur systur hans.

Bókin Wonder er frumraun R. J. Palacio og er skrifuð sem barnabók. Sannsögulegt atvik og lag var kveikjan að bókinni. Palacio var ásamt þriggja ára gömlum syni sínum að kaupa ís þegar hún tók eftir að í röðinni stóð stúlka með fæðingargalla í andliti. Palacio hafði áhyggjur af að sonur hennar myndi bregðast illa við gagnvart stúlkunni og ákvað að taka hann úr röðinni til að koma ekki stúlkunni eða foreldrum hennar í uppnám, en sú ákvörðun hennar gerði ástandið aðeins verra. Lag Natalie Merchant, Wonder, gaf henni þá hugmynd að atvikið gæti kennt samfélagslega hegðun. Hún nefndi bókina eftir laginu og viðlag lagsins er jafnframt formáli bókarinnar.

Myndin Wonder er góð mynd með úrvalsleikurum, þekktum sem óþekktum, í öllum hlutverkum. Barnahópurinn stendur sig afbragðs vel, bæði þau góðu, slæmu og hlutlausu. Sagan er sögð út frá sjónarhóli Auggie, systur hans, vinkonu hennar og skólabróður Auggie, enda sér ekkert okkar atvik eða aðstæður með sömu augum

„Nema hvað ég veit að í augum annarra er ég þessi manneskja, kannski í augum hvers einasta í öllum salnum. En í mínum augum er ég bara ég. Venjulegur krakki.“

Wonder fjallar um samskipti í mörgum myndum, foreldra og barna, kennara og nemanda, barna, vina, bæði góð og slæm. Auggie og saga hans er veigamest, en atvik úr lífi annarra sögupersóna sem hafa áhrif á gjörðir þeirra koma einnig við sögu. Saga Auggie sýnir okkur hvernig við getum blómstrað eða ekki, eftir því hvaða áhrif samskipti, samskiptaleysi og afskiptaleysi annarra hafa á okkur.

Þó að Wonder sé mynd sem má horfa á hvenær sem er og er líklegt að þú munir horfa á oftar en einu sinni, þá kemur hún í sýningu á hárréttum tíma, á jólunum þegar við tökum til í dagskránni og hjartanu og sinnum því betur sem skiptir okkur mestu máli, þeim og því sem við elskum. Taktu börnin þín og/eða aðra sem þú elskar með á Wonder. Höfum hugfast að við erum öll einstök, hvert á okkar hátt.

Niðurstaða: Myndin Wonder er einstök mynd, falleg, hugljúf og mannbætandi. Mynd sem yljar manni í hjartanu, fær mann til að tárast og trúa á að við getum öll verið góð við hvert annað.

Kvikmyndin Wonder er komin í sýningar í Laugarásbíó, Háskólabíó og Borgarbíó.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Snarlúkkar þessi kerra!
Fókus
Fyrir 16 klukkutímum

Ragga nagli komin með Heilsuvarp

Ragga nagli komin með Heilsuvarp
Fókus
Fyrir 17 klukkutímum

DV Tónlist : FM Belfast í beinni útsendingu kl. 13.00

DV Tónlist : FM Belfast í beinni útsendingu kl. 13.00
Fókus
Í gær

Allir gráta og Minningarsjóður Einars Darra færa leik- og grunnskólum kærleiksgjöf

Allir gráta og Minningarsjóður Einars Darra færa leik- og grunnskólum kærleiksgjöf
Fókus
Í gær

Frægir sem hata jólin – „Hvílík sóun á pappír!“

Frægir sem hata jólin – „Hvílík sóun á pappír!“
Fókus
Í gær

Dillon og Bulleit safna fyrir Geðhjálp og Rauða krossinn – Húðflúr gegn myrkrinu

Dillon og Bulleit safna fyrir Geðhjálp og Rauða krossinn – Húðflúr gegn myrkrinu
Fókus
Í gær

Tónlistarspekúlantar hafa fundið formúlu hins fullkomna jólasmells

Tónlistarspekúlantar hafa fundið formúlu hins fullkomna jólasmells
Fókus
Í gær

Hrafn var búinn að hringja um allt – Fann það sem hann vantaði á spottprís í Costco

Hrafn var búinn að hringja um allt – Fann það sem hann vantaði á spottprís í Costco
Fókus
Í gær

Ævar vísindamaður með Þína eigin auglýsingu – Sjáðu myndbandið

Ævar vísindamaður með Þína eigin auglýsingu – Sjáðu myndbandið