fbpx

Marshall-húsið hlýtur Hönnunarverðlaun Íslands

Bláa lónið verðlaunað fyrir bestu fjárfestingu í hönnun

Kristján Guðjónsson
Föstudaginn 10. nóvember 2017 21:37

Listamiðstöðin Marshall-húsið hlýtur Hönnunarverðlaun Íslands 2017 og Bláa Lónið hlýtur sérstaka viðurkennningu fyrir bestu fjárfestingu í hönnun á árinu. Þetta var tilkynnt þegar Hönnunarverðlaun Íslands voru veitt í fjórða sinn í Iðnó í gærkvöldi, en að er Hönnunarmiðstöð Íslands sem stendur að verðlaununum.

Það eru þeir Ásmundur Hrafn Sturluson og Steinþór Kári Kárason, arkitektar hjá Kurt og Pí, sem hljóta Hönnunarverðlaunin fyrir Marshall-húsið, en þeir leiddu hönnun verksins í samstarfi við ASK arkitekta. Marshall-húsið er nýr vettvangur lista við gömlu höfnina í Reykjavík. Húsið var byggt árið 1948 sem síldarbræðsla en hýsir nú Nýlistasafnið, Kling og Bang, Stúdíó Ólafs Elíassonar ásamt vinnustofu og veitingahúsið Marshall Restaurant + Bar.

Í rökstuðningi dómnefndar segir að verkið kristalli vel heppnaða umbreytingu eldra iðnaðarhúsnæðis fyrir nýtt hlutverk í samtímanum. „Arkitektarnir hafa þróað verkefnið frá hugmyndavinnu til útfærslu og leitt saman breiðan hóp aðila til að skapa heilsteypt verk. Í verkinu er vel unnið með sögu byggingarinnar og samhengi staðar og til verður nýr áfangastaður fyrir samtímalist í Reykjavík á áhugaverðu þróunarsvæði í borginni. Marshall húsið er gott  dæmi um hvernig með aðferðum hönnunar verður til nýsköpun í borgarumhverfinu.“ Þórdís Kolbrún Reykfjörð Gylfadóttir, iðnaðar- og viðskiptaráðherra, veitti aðstandenum Marshall-hússins peningaverðlaun að upphæð 1.000.000 krónur.

Þá hlaut Bláa Lónið viðurkenningu fyrir bestu fjárfestingu í hönnun, en hún er veitt fyrirtæki sem hefur hönnun eða arkitektúr að leiðarljósi frá upphafi verka til að auka verðmætasköpun og samkeppnishæfi. Í rökstuðningi dómnefndar segir að hönnun sé órjúfanlegur hluti af heildarmynd fyrirtækisins sem vinni náið með framúrskarandi arkitektum og hönnuðum þvert á greinar. „Þessi framsýni á svo sannarlega þátt í því að fyrirtækið hefur notið þeirrar velgengni sem raun ber vitni og átt sinn þátt í vinsældum Íslands sem áfangastaðar. Bláa Lónið er eitt besta dæmið á Íslandi um það að fjárfesting í góðri hönnun margborgar sig,“ segir í umsögn dómnefndarinnar, sem var skipuð þeim Sigríði Sigurjónsdóttur (sem var formaður), Katríni Maríu Káradóttur, Magnúsi Hreggviðssyni, Sigrúnu Birgisdóttur, Tinnu Gunnarsdóttur og Jóhönnu Vidísi Arnardóttur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 3 klukkutímum

Einkunnir úr leik Arsenal og Everton – Cech frábær

Einkunnir úr leik Arsenal og Everton – Cech frábær
433
Fyrir 3 klukkutímum

Heimir vann deildina með HB – Magnaður árangur

Heimir vann deildina með HB – Magnaður árangur
433Sport
Fyrir 3 klukkutímum

Óli Jó um ummæli Rúnars: Ég hef aldrei talað um Keflavík við einn eða neinn

Óli Jó um ummæli Rúnars: Ég hef aldrei talað um Keflavík við einn eða neinn
Fókus
Fyrir 4 klukkutímum

„Við höfum ekki ennþá náð að verða neitt sérstaklega leiðir á hvor öðrum“

„Við höfum ekki ennþá náð að verða neitt sérstaklega leiðir á hvor öðrum“
Fókus
Fyrir 4 klukkutímum

Týnda dóttir Alberts Einstein

Týnda dóttir Alberts Einstein
433Sport
Fyrir 4 klukkutímum

Þrjú lið geta enn unnið titilinn í lokaumferðinni – Fjölnir í Inkasso-deildina

Þrjú lið geta enn unnið titilinn í lokaumferðinni – Fjölnir í Inkasso-deildina
433
Fyrir 5 klukkutímum

Elskaði Arsenal áður en hann fór þangað – Ástæðan kemur ekki á óvart

Elskaði Arsenal áður en hann fór þangað – Ástæðan kemur ekki á óvart
433
Fyrir 5 klukkutímum

Pedro Hipolito fær ekki nýjan samning hjá Fram

Pedro Hipolito fær ekki nýjan samning hjá Fram
433
Fyrir 5 klukkutímum

Augljóst af hverju Sarri fékk Jorginho – Mögnuð staðreynd

Augljóst af hverju Sarri fékk Jorginho – Mögnuð staðreynd