fbpx
Fókus

Töfraheimur óperunnar

Kolbrún Bergþórsdóttir
Sunnudaginn 10. september 2017 10:30

Mikið var unaðslegt að koma sér vel fyrir í sófanum og horfa á beina útsendingu RÚV frá óperutónleikum í Hörpu. Efnisskráin var hreint yndi en hún samanstóð af óperutónlist sem þjóðin hafði valið sem sitt uppáhald í kosningu á ruv.is. Æstir óperuunnendur geta vissulega deilt um niðurstöðuna, en það gerir maður bara í hljóði. Öll verkin sem flutt voru áttu skilið að vera á efnisskránni.

Klassísk tónlist á vel heima í sjónvarpi. Sumir vilja ekkert endilega vera innan um aðra á tónleikum, finnst miklu notalegra að vera heima og hlusta og njóta. Sjónvarpsáhorfendur fengu líka aukaupplýsingar á milli atriða, því rætt var við söngvara og aðstandendur tónleikanna og birt myndskeið af heimsfrægum söngvurum að syngja stórkostlegar aríur. Hjartað tekur alltaf kipp þegar heyrist í Pavarotti, eins og gerðist þarna. Hann var engum líkur.

Söngvararnir á sviðinu stóðu sig gríðarlega vel enda var þeim ákaft fagnað. Þar á meðal var Kristinn Sigmundsson sá mikli listamaður. Alltaf gleður hann mann með söng sínum og sjarma.

Í Hörpu var greinilega mikil gleði í loftinu sem smitaðist til manns inn í stofu. Kynnar kvöldsins voru Guðni Tómasson og Halla Oddný Magnúsdóttir, sem stóðu sig með mikilli prýði, voru afslöppuð og skemmtileg. Þessi útsending var rós í hnappagatið fyrir RÚV og alla þá sem að henni stóðu.

Kolbrún Bergþórsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 6 klukkutímum

Ísak Marvins – Stórbrotin verk, full af smáatriðum

Ísak Marvins – Stórbrotin verk, full af smáatriðum
Fókus
Fyrir 7 klukkutímum

Minningarsjóður Einars Darra með fatalínu – Allur ágóði rennur til forvarnarfræðslu í grunnskólum

Minningarsjóður Einars Darra með fatalínu – Allur ágóði rennur til forvarnarfræðslu í grunnskólum
Fókus
Í gær

Jóhann Jóhannsson valinn kvikmyndatónskáld ársins á World Soundtrack Awards

Jóhann Jóhannsson valinn kvikmyndatónskáld ársins á World Soundtrack Awards
Fókus
Í gær

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“
Fókus
Fyrir 2 dögum

Ragga nagli – „Hvers vegna missum við kúlið eftir klukkan tvö á daginn?“

Ragga nagli – „Hvers vegna missum við kúlið eftir klukkan tvö á daginn?“
Fókus
Fyrir 2 dögum

Hressleikarnir 2018 – Safnað fyrir Fanney og fjölskyldu – Greindist með krabbamein á meðgöngu

Hressleikarnir 2018 – Safnað fyrir Fanney og fjölskyldu – Greindist með krabbamein á meðgöngu
Fókus
Fyrir 2 dögum

Fyrsta skiptið – Ein eða fimm stjarna best, ekki neitt þar á milli í boði

Fyrsta skiptið – Ein eða fimm stjarna best, ekki neitt þar á milli í boði