fbpx
Fókus

Andlitið passaði

Kolbrún Bergþórsdóttir
Föstudaginn 8. september 2017 16:18

Christopher Jefferies missir æruna ( Lost Honour Of Christopher Jefferies) var þáttaröð í tveimur hlutum sem RÚV sýndi fyrir skömmu á sunnudagskvöldum. Þetta var sláandi sjónvarpsefni. Þættirnir voru byggðir á sannri sögu Christophers Jefferies, fyrrverandi kennara. Christopher var, og er örugglega ennþá, sannur sérvitringur, einkennilegur í háttum og sérkennilega nákvæmur varðandi hin minnstu smáatriði. Þegar leigjandi hans var myrtur var Christopher grunaður um morðið og pressan slengdi myndum af honum á forsíðu og sagði hann vera kynferðispervert.

Af hverju hrapaði breska pressan að ályktunum í málinu? Í þáttunum svaraði Christopher því sjálfur þegar hann sagði:
„Andlitið passaði.“ Útlit hans var svo óvenjulegt að pressan hirti ekki um mannorð hans og taldi hann vera morðingjann. Jason Watkins var í hlutverki Christophers og túlkaði hann hreint og beint stórkostlega. Hann dró upp afar samúðarfulla mynd af manni sem var svo sérvitur og sérkennilegur að hann gat aldrei orðið allra. Um leið var hann svo miklu áhugaverðari og skemmtilegri en það venjulega fólk sem hann umgengst. Hann var original, ef manni leyfist að sletta.

Í þáttunum var varpað fram krefjandi spurningum um hlutverk fjölmiðla og hversu langt þeir geta leyft sér að ganga í myndbirtingu og fréttaflutningi í viðkvæmum málum sem eru til rannsóknar hjá lögreglu. Hinn raunverulegi morðingi fannst og játaði að lokum. Það varð Christopher til bjargar. Það má virða það við fjölmiðla að þeir viðurkenndu mistök sín og greiddu honum háar skaðabætur, en ljóst er að í þessu máli hefðu þeir betur setið heima en af stað farið.

Jason Watkins hlaut verðskulduð BAFTA-verðlaun fyrir túlkun sína á Christopher. Þættirnir unnu einnig BAFTA-verðlaun sem besti stutti framhaldsþátturinn. Þarna fóru verðlaun sannarlega á réttan stað.

Kolbrún Bergþórsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 10 klukkutímum

Raggi Bjarna varð 84 ára – Hann átti ekki von á þessum móttökum

Raggi Bjarna varð 84 ára – Hann átti ekki von á þessum móttökum
Fókus
Fyrir 11 klukkutímum

Pink stöðvaði tónleika til að faðma aðdáanda – Móðir Leuh lést áður en hún náði að sjá Pink á tónleikum

Pink stöðvaði tónleika til að faðma aðdáanda – Móðir Leuh lést áður en hún náði að sjá Pink á tónleikum
Fókus
Í gær

Lof mér að falla er fjórða vinsælasta mynd ársins

Lof mér að falla er fjórða vinsælasta mynd ársins
Fókus
Í gær

Elín Kára: „Peningar og gyllinæð“

Elín Kára: „Peningar og gyllinæð“
Fókus
Í gær

Alþjóðleg bíóveisla í fimmtán ár – vilt þú vinna aðgangspassa á RIFF?

Alþjóðleg bíóveisla í fimmtán ár – vilt þú vinna aðgangspassa á RIFF?
Fókus
Í gær

Jón Viðar mættur á ný og slátrar sýningu Borgarleikhússins: „Ég vorkenni leikurunum að þurfa að leika þetta pappafólk“

Jón Viðar mættur á ný og slátrar sýningu Borgarleikhússins: „Ég vorkenni leikurunum að þurfa að leika þetta pappafólk“
Fókus
Í gær

Skessusagnakaffi – „Fáir hafa notið betur bónda síns en ég“

Skessusagnakaffi – „Fáir hafa notið betur bónda síns en ég“
Fókus
Í gær

„Haldið er fast í þá staðreynd að fíklar eru ekki sérstök „tegund“, heldur eru þau venjulegt fólk sem fíknin og heimurinn í kringum efnin hefur breytt, gert þau siðlaus og sjálfselsk“

„Haldið er fast í þá staðreynd að fíklar eru ekki sérstök „tegund“, heldur eru þau venjulegt fólk sem fíknin og heimurinn í kringum efnin hefur breytt, gert þau siðlaus og sjálfselsk“