fbpx

Umdeild fjármálafyrirtæki fá það óþvegið í nýjum málverkum

Gamma og Arion-banki hafa ekki þegið boð um að kaupa verk eftir Þránd Þórarinsson í forsölu

Kristján Guðjónsson
Miðvikudaginn 28. júní 2017 08:16

Umdeild fjármálafyrirtæki sem eru innblástur nýrra olíumálverka eftir listmálarann Þránd Þórarinsson hafa ekki þegið boð um að kaupa verkin í forsölu, en hrægammar sem tæta í sig borgarbúa í herbergiskytru og nasískir Aryan-bankamenn í einkaþotum eru meðal viðfangsefna nýrra Reykjavíkurmynda Þrándar sem hann sýnir í Gallerí Port um þessar mundir.

Þrándur Þórarinsson var í óða önn að setja upp sýninguna Gustukaverk í Gallerí Port þegar blaðamaður og ljósmyndari DV litu við.
Í anda gömlu meistaranna Þrándur Þórarinsson var í óða önn að setja upp sýninguna Gustukaverk í Gallerí Port þegar blaðamaður og ljósmyndari DV litu við.

Mynd: DV ehf / Sigtryggur Ari

Þrándur segir að haft hafi verið samband við fjármálafyrirtækin sem veittu hinum innblástur við gerð verkanna, fjárfestingarfyrirtækið Gamma Capital Management og Arion banka, og þeim boðið að kaupa verkin. En bæði fyrirtæki hafa verið dugleg að kaupa íslenska myndlist á undanförnum árum.

„Ég fékk engin viðbrögð frá Arion banka, enda hefði kannski verið undarlegt að þeir hefðu viljað hafa svona fasistamynd uppi á vegg hjá sér. Hins vegar sagðist einhver frá Gamma ætla að koma og kíkja á þetta,“ segir Þrándur.

Það kemur mér ekki á óvart að Gamma sé opnari fyrir þessu en bankamennirnir. Þeir virðast að minnsta kosti alveg tilbúnir að snerta á pólitík, það má til dæmis nefna að inni á skrifstofu hjá þeim eru skilti aðgerðasinnans Helga Hóseassonar og þeim stillt upp eins og listaverkum.

„Já, kannski af því að þeir eru bara úlfar í úlfsgæru.“

Mynd: DV ehf / Sigtryggur Ari

Mun ylja mörgum skjólstæðingum okkar

Aryan-banka verkið mun hanga upp á skrifstofu KRST lögmanna
Mun ylja mörgum skjólstæðingum okkar

„Þetta minnir mann á að hafa réttu gildin í heiðri í störfum sínum,“ segir Jón Bjarni Kristjánsson, héraðsdómslögmaður og Þrándar-aðdáandi. Jón Bjarni keypti Aryan-banka-verkið fyrir hönd KRST lögmanna sem hann rekur ásamt tveimur bræðrum sínum og föður. Hann viðurkennir að þeir feðgar hafi ófáum sinnum þurft að kljást við bankana í réttarsalnum.

„Í störfum okkar höfum við gætt hagsmuna fyrir menn sem hafa átt í ágreiningi við bankana og það einskorðast ekkert við Arion-banka. Við höfum oft tekið slaginn við bankana með skjólstæðingum okkar svo ég held að það muni ylja mörgum þeirra að sjá þetta verk hér uppi á vegg. Við setjum það annað hvort upp í biðstofunni eða í fundarherberginu,“ segir Jón Bjarni kersknislega

„En þetta er nú frekar í gamni gert frekar en í hefndarhug gagnvart bankanum.“

Vonast til að vera gerður að borgarlistamanni

Eins og áður málar Þrándur myndir í anda hinna klassísku meistara málverksins en með nútímalegum snúningi. Þetta eru líflegar fígúratífar olíumyndir, gróteskar senur úr þjóðsögum, mannlífs- og borgarmyndir sem flestar eiga sér stað í fantasískri Reykjavík, þar sem nútíma arkitektúr hefur aldrei náð að festa rætur.

„Að megninu til eru þetta borgarmyndir á sýningunni, Reykjavíkurmyndir. Ég er alltaf að vonast til þess að þeir fari að gera mig að borgarlistamanni. Ef ég mála bara nógu mikið af Reykjavíkurmyndum hlýtur að koma að því,“ segir hann.

Í verkunum á sýningunni sigla borgarbúar niður lækinn sem áður rann meðfram Lækjargötu, dansa og dorga á frosinni Reykjavíkurtjörn, þá taka lundar yfir miðbæinn í verki sem kveikir hugrenningatengsl við hryllingsmynd Alfreds Hitchcock „Birds“ og í enn öðru verki blandar Þrándur saman tilvísun í málverkið „Nighthawks“ eftir bandaríska 20. aldar málarann Edward Hopper og Hamborgarabúllunni við Geirsgötu.

Lestu ítarlegt viðtal DV við Þránd Þórarinsson frá því í október 2016: Reykjavíkurdjammið í endurreisnarstíl

Mynd: DV ehf / Sigtryggur Ari

Sýningin Gustkaverk stendur yfir í Gallerí Port, Laugavegi 23b, til 16. júlí.

Kristján Guðjónsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 klukkutímum

Apar grýttu 72 ára mann til bana

Apar grýttu 72 ára mann til bana
433
Fyrir 2 klukkutímum

Cristian Martinez hættur hjá KA

Cristian Martinez hættur hjá KA
433
Fyrir 3 klukkutímum

Ronaldo mættur aftur á Old Trafford

Ronaldo mættur aftur á Old Trafford
Pressan
Fyrir 3 klukkutímum

Einum merkilegasta fornminjafundi sögunnar í Noregi haldið leyndum í níu ár – Ástæðan er ótrúleg

Einum merkilegasta fornminjafundi sögunnar í Noregi haldið leyndum í níu ár – Ástæðan er ótrúleg
433
Fyrir 3 klukkutímum

Chelsea getur ekki sagt nei við Lampard – Tóku U-beygju og gáfu grænt ljós

Chelsea getur ekki sagt nei við Lampard – Tóku U-beygju og gáfu grænt ljós
Fréttir
Fyrir 4 klukkutímum

Marcila vinnur í heimaþjónustu og stendur í eilífu veseni: „Það telst til undantekningar að launin mín séu rétt reiknuð“

Marcila vinnur í heimaþjónustu og stendur í eilífu veseni: „Það telst til undantekningar að launin mín séu rétt reiknuð“
Fókus
Fyrir 5 klukkutímum

DV Tónlist á föstudaginn: SYCAMORE TREE

DV Tónlist á föstudaginn: SYCAMORE TREE
Fréttir
Fyrir 5 klukkutímum

Einn handtekinn vegna andláts móðurinnar á Akureyri: „Sá maður er talinn hafa verið á vettvangi þegar konan lést“

Einn handtekinn vegna andláts móðurinnar á Akureyri: „Sá maður er talinn hafa verið á vettvangi þegar konan lést“